VIDEO-WENYE ULEMAVU WAHAMASISHWA KUJITOKEZA KUGOMBEA UCHAGUZI MKUU.

Ben Komba/Pwani-Tanzania/4/14/2015 7:37:15 PM

Watu wenye ulemavu nchini wametakiwa kujitokeza kwa wingi kugombea nafasi mbalimbali  katika uchaguzi mkuu wa madiwani,wabunge na Rais unaotarajiwa kufanyika Mwezi Oktoba mwaka huu.

Makamu wa Mwenyekiti wa Chama cha wasioona Tanzania, BW.ROBERT BUNDALA amesema kuwa wakati umefika kwa watu wenye ulemavu kushiriki kikamilifu katika mchakato wa kisiasa ili kuweza kupata uwakilishi katika vyombo vya kutoa maamuzi.

Akizungumza katika ufunguzi wa warsha ya watu wenye ulemavu wa aina tofauti mjini Kibaha, BW.BUNDALA amewasisitizia washiriki wa warsha hiyto kutokuwa nyuma katika kuhakikisha na wao washiriki kikamilifu katika mchakato mzima wa uchaguzi mkuu.

Naye mshiriki wa warsha hiyo, BW.THOMAS MPONDA amewataka Watanzania kuwaunga mkono wanapojitokeza kugombea nafasi za uongozi badala ya kuwatenga kwa itikadi za kibaguzi, na alitoa mfano Kata ya Mapinduzi katika Mkoa wa Rukwa ambapo diwani wa ni mlemavu wa kuona.

BW.MPONDA amefafanua kutokana na mtazamo hasi uliopo katika jamii ambao hawaamini kama watu wenye ulemavu wana uwezo wa kuongoza imekuwa changamoto kubwa kwa ulemavu ikiwa pamoja na miundombinu kukosekana ambayo ingeweza kuwasaidia walemavu.

END.