VIDEO-MKANDARASI ASABABISHA DHIKI KWA WANANCHI KITONGA BAGAMOYO.

Ben Komba/Pwani-Tanzania/4/11/2015 10:53:35 PM

Uongozi Wa Kijiji cha Kitonga kata ya Vigwaza Tarafa ya Msoga wilayani Bagamoyo umelaumiwa kwa kushindwa kufuatilia masuala ya maendeleo ya wananchi na hivyo kuwasababishia dhiki kubwa wakazi wao.

Mkazi wa kijiji hicho, BW. ABDUL BAKAR MPONDA amesema hali ya maji ni mbaya katika kijiji kufuatia mkandarasi aliyepewa kazi ya kusambaza maji katika kijiji hicho kuondoa bomba awali ambalo lilikuwa kubwa na kuwawekea bomba dogo.

BW.MPONDA amefafanua kuwa wananchi wa Kitonga ambao wanapakana na mto Ruvu kwa umbali Fulani imewapasa kutembea umbali mrefu kutafuta huduma hiyo muhimu kwa binadamu.

Aidha ameongeza kuwa kwa sasa ili kupata huduma hiyo inawapasa kutumia shilingi kati ya 500 na 2000 kwa ajili ya huduma hiyo ilihali wenyewe wanaishi maisha ambayo yanakabiliwa na changamoto nyingi.

Naye mwanadada REGINA SIMON amesema maji ni changamoto kubwa kwa maisha yao ya kila siku, na hivyo kusababisha hali mbaya kwa wananchi hao ambao wengi wao ni watu wenye kipato  cha chini na hivyokuwawia vigumu wao kupata fedha za kununua maji na fedha ya kula.

BI.REGINA    amewataka viongozi wa kijiji hicho kulifanyia kazi suala hilo ili kuwapatia nafuu wananchi na kuacha kufanya mambo ya ulaghai ya kuwaahidi wananchi kuwatumikia kwa uadilifu wanapotaka nyadhifa Fulani na wanapopata wanafanya mambo tofauti.

Mjumbe wa Kamati ya maji ya kijiji cha Kidogozero, BW.MUSHI amesema kuwa kamati yao imekuwa iikibanwa na mkandarasi anayeutekeleza kwa kudai hawataki kuingiliwa katika utekelezaji wa mradi na ndio matokeo yake ni pamoja na kufanya vitu ambavyo vinaathiri wananchi kwa kushirikiana na baadhi ya  watumishi wa halmashauri wana

END.