VIDEO-SHULE YA AJABU

Ben Komba/Pwani-Tanzania/4/10/2015 8:10:17 PM

Wakazi wa kijiji cha Kitonga katika Kata ya Vigwaza wilayani Bagamoyo wamelalamikia serikali kuhusiana na kufumbia macho kero ya shule ilihali Mbunge wa eneo hil;o ndiye Waziri anayehusika na elimu, BW.SHUKURU KAWAMBWA.

Mmoja wa wakazi wa kijiji cha Kitonga wilayani Bagamoyo, BW.AMIR MKEJINA amesema halisi ya shule ya msingi Kitonga ni ya kusikitisha na ameilaumu serikali kwa kutotoa kipaumbele kwa shule zilizo pembezoni.

BW.MKEJINA ameongeza kuwa shule yao ina madarasa saba kamili lakini ikiwa na madarasa mawili na walimu watano wakiwa na madawati yasiyozidi ishirini katika kipindi hiki ambacho dunia ipo katika mkipindi cha sayansi na teknolojia.

Mkazi mwingine wa kijijini hapo Kitonga wilayani Bagamoyo, BW.EMMANUEL MUNGELE amesema yeye kwa upande wake ameamua kuwahamisha watoto wake kutokana na kwamba watoto wanamaliza darasa la saba hawawezi kusoma hali ambayo inakatisha tama kwa wakazi wa kijijini hapo.

Aidha BW.MUNGELE amesema mbali ya kukabiliwa na tatizo la upungufu wa madarsa na huku mbunge wa eneo husika akishindwa kusaidia wananchi wa Jimbo lake, suala barabara kutopitika kipindi cha mvua nalo linabidi livaliwe njuga na serikali ili kutatua kero hiyo ambayo ipo nje ya uwezo wa wananchi.

Kwani mara unapofika msimu wa mvua mto Mbiki mdogo ufurika na kukata mawasiliano baina ya sehemu moja ya kijiji na sehemu nyingine hivyo kufanya wanafunzi kutoenda shule katika msimu wa mvua kwa kuchelea kusombwa na maji yam to huo.END