WLAC WAPONGEZWA KUSAIDIA WANANCHI

Ben Komba/Pwani-Tanzania

Mkuu wa wilaya ya Kibaha, BIBI.HALIMA KIHEMBA ameunga mkono harakati zinazofanywa na mashirika yasiyo ya kiserikali katika utoajai wa usaidizi wa kisheria kwa jamii ambayo haina uwezo wa kifedha kunufaika na huduma za kisheria zitolewazo.

Mkuu huyo wa wilaya ameyazungumza hayo wakati akifunga mafunzo kwa wasaidizi wa kisheria takriban 32 waliopatiwa mafunzo hayo kwa lengo la kwenda kuisaidia jamii inayowazunguka ambayo inakabiliwa na migogoro lukuki ya kisheria.

Ameongeza kuwa ni ukweli usiopingika kwa jamii yetu kama jamii nyingine Duniani zinakabiliwa na migogoro mikubwa ya kisheria, na huku gharama za kutafuta usaidizi wa kisheria zikiwa zipo juu, na hivyo haki za watu wanyonge kuporwa na wenye fedha.

Mkuu wa wilaya KIHEMBA amewapongeza kituo cha usaidizi wa kisheria kwa wanawake na watoto (WLAC), Kibaha Paralegal Centre na Kibaha Picha ya Ndege Paralegal kwa kuhakikisha wanajenga uwezo kwa wasaidizi wa kisheria kwa  manufaa ya jamii ya wanaKibaha.

Awali akizunguimza katika ufungaji wa mafunzo hayo ya wasaidizi wa kisheria, Mkurugenzi wa Mafunzo wa Kituo cha Usaidizi wa kisheria kwa wanawake na watoto, BI.MAGDALENA MTOLERA amesema Shirika la WLAC limeanzishwa mwaka 2004, na lengo kubwa ni kuwasaidia wanawake.

END.