WAZAZI WAHIMIZWA KUTOA USHIRIKIANO KWA WALIMU

Ben Komba/Pwani-Tanzania/

Wazazi wa wanafunzi wanaosoma shule ya msingi Mkoa Mjini Kibaha wametakiwa kushirikiana na walimu kaatika kutengeneza mazingira bora ya upatikakanaji wa elimu kwa watoto wao.

Akizungumkza katika mahafali ya viajana wa darasa la saba Mbunge wa Jimbo la uchaguzi Kibaha mjini, BW.SYLVESTER KOKA amesema kuwa ni wajibu wa wazazi kuchangia maendeleo ya shule za watoto wao ili ziweze kutoa tija stahili.

Mbunge KOKA ameongeza kuwa urithi wa mzazi kwa mtoto ni elimu ili kuweza kumfanya mtoto aweze kuwa na msingi imara wa kuweza kumfanya tegemeo kwa Taifa la leo na Taifa la kesho.

Katika risala yao kwa mgeni rasmi wanafunzi wanaoondoka wamebainisha changamoto mbalimbali ambazo wamekabiliana nazo katika kipindi chote walichokuwepo na hivyo kutumia fursa hiyo kuomba changamoto hizo zipunguzwe au zimalizwe kabisa.

Changamoto hizo ni pamoja na kukosekana kwa Walimu wa kutosha, Vitabu cvya kujifunzia vimekuwa ni shida kwa shule yao, kukosekana kwa maji safi na salama kutokana na kukatwa na DAWASCO.

Changamoto nyingine ni pamoja na kukosekana kwa viwanja vya michezo hali inayowafanya kushindwa kushiriki kikamilifu katika michezo, na kuomba serikali kusawazisha viwanja hivyo na hasa ikizingatiwa michezo ni afya.

END.