MAJAMBAZI YATIWA MBARONI BAGAMOYO

Ben Komba/Pwani-Tanzania

Watu wawili wanaosadikiwa kuwa ni majambazi wamekamatwa eneo la Chalinze wilayani Bagamoyo, mkoa wa Pwani, kufuatia kufanya tukio la uporaji katika mnadi wa mifugo wa Mdaula.

Mmoja wa wafanyabiashara ambaye nimeongea naye, BW.MOSES KIMUNYU amesema kuwa siku hiyo majira ya saa 2:30 asubuhi akiwa katika shughuli zake za biashara mnadani hapo, alivamiwa na mtu ambaye alikuwa amevaa soksi usoni.

BW.KIMUNYU ameongeza kuwa mara baada ya kuvamiwa alijaribu kukimbia lakini kwa bahati mbaya akaanguka, ndipo jambazi hilo ambaye alijulikana kwa jina moja la CHARLES ambaye ni Mmang’ati alitoa bunduki ambayo ilikuwa imefungwa na magazeti baadhi ya maeneo.

Akiwa chini Jambazi lishurutisha kupewa fedha kutoka kwa BW.KIMUNYU na vinginevyo angemuua, ndipo BW.KIMUNYU akaona heri atoe fedha ili aokoe uhai wake na akatoa Milioni moja na elfu sitini akamrushia Jambazi hilo,lakini hakuridhika akashurutisha atoe zai ndipo akamalizia na shilingi laki moja na sitini ambazo alichukua.

Kwa bahati nzuri wafanyabiashara wenzake wakastukia tukio lile na kuanza kukabiliana na Jambazi ambalo lilijulikana wakati anakimbia alipovua soksi usoni na wafanyabiashara hao kumtambua lakini walishindwa kumkamata baada ya pikipiki kujitokeza nay eye kudandia.

Naye SEFU LEKAMWE ambaye alishuhudia anasema akiwa amesimama Mnadani aliwaona MOSES KIMUNYU na mwenzie wakipita lakini mara alishangazwa kuona mwenzie MOSES akirudi akipiga ukenje kuomba msaada na ndipo walipoamua kuwakabili majambazi hayo.

BW.LEKAMWE ameitaka halmashauri za wilaya wanakoppita na minadakuimarisha ulinzi kukabiliana na wimbi la ujambazi wanalokumbana nalo wakitekeleza shughuli ya halali za kujipatia kipato.

Kamanda wa Polisi mkoa wa Pwani Kamishna msaidizi mwandamizi URLICH MATEI amethibitisha kwa tukio hilo.

END.