UJENZI KITUO CHA MUDA CHA MABASI MLANDIZI WAKAMILIKA

Ben Komba/Pwani-Tanzania/10/3/2014 1:53:07 PM

Wakala wa barabara mkoa wa Pwani umetumia kiasi cha shilingi 174 kutengeneza miundombinu ya muda ya kituo cha mabasi Mlandizi, ikiwa sehemu ya kuhakikisha barabara zinatunzwa kwa wakati wote.

Meneja wa wakala wa barabara mkoa wa Pwani, BW.TUMAINI SARAKIKYA ameyasema hayo wakati alipoongea na waandishi wa ofisini kwake mjini Kibaha, ambapo amesema sababu kubwa ya kukarabati eneo hilo ni kutuwama kwa maji wakati wa mvua na hivyo maji hayo kuharibu barabara.

BW.SARAKIKYA ameongeza kuwa kwa kuliona hilo ofisi yake ikaanza mchakato wa kujenga mfereji ambao hautaruhusu maji kutuwama inapofika msimu msimu wa mvua, ikiwa pamoja na kuweka lami eneo la kituo cha muda cha mabasi Mlandizi ili kupunguza vumbi kwa watumiaji wa kituo hicho ambacho kwa sasa kimekamilika.

Aidha meneja huyo wa wakala wa barabara mkoa wa Pwani, BW.SARAKIKYA ameongelea kuhusiana na mzani wa Vigwaza ambao kwa sasa unaelekea kwenye kukamilika na hatua ambayo mpaka sasa imeshafikiwa ni kufungwa mtambo maalum wa kupima gari likiwa linatembea, kitaalamu WEIGH IN MOTION.

Ujenzi huo wa mizani eneo la Vigwaza unatarajia kukamilika mwisho mwa mwezi huu, na gharama jula za ujenzi wa mzani huo ambao utakuwa wa kwanza wa kisasa na aina yake nchi ni kiasi cha SHILINGI Bilioni 10.

END.