MFUGAJI MKOROFI

Ben Komba/Pwani-Tanzania/31 octoba 2014

Tatizo la unyanyasaji unaofanywa na wafugaji dhidi ya wakulima limefikia hatua mbaya baada ya wakulima kushindwa kufanya shughuli zao ambazo zilikuwa zinawapatia kipato.

RFA ikiongea na BIBI.MARIAM ALLY Mkazi wa VIGWAZA amesema kuwa anasikitishwa na hatua ya mfugaji KINDETI kufungulia ng’ombe majira ya usiku na kuanza kura mazao yao, hali ambayo inawadhoofisha kiuchumi kwani anategemea kazi hiyo kujikimu na hali ngumu ya maisha.

BIBI. MARIAM ALLY ameongeza kuwa mara zote wanapoenda kutoa taarifa katika uongozi wa kijiji, kunakuwa hakuna hatua yoyote  inayochukuliwa kupambana na hali hiyo na hivyo kuwafanya wakulima kuwa na wakati mgumu kutafakari wataishi vipi baada ya mazao yao kuliwa na mifugo.

Naye BI.HALIMA TILINDE amesema inapotokea kwenda kuripoti kwenye uongozi wanaambiwa kuwa wananchotakiwa kufanya ni kukamata mnyama husika na kumfikisha kituo cha Polisi, jambo ambalo limekuwa gumu kwa upande wao, kutokana na kutokuwa na uzoefu na shughuli za ufugaji.

Afisa wa mifugo Kata ya Vigwaza BI.LUCY BALILEMWA amekemea hali inayoendelea hivi sasa kwa kuwakumbusha wafugaji kutowadharau wakulima kutokana na fedha ambazo wanazo kulinganisha na wenzao hivyo amewataka kutowanyanyasa wenzao.

BI.BALILEMWA amebainisha kuwa anaanda mkutano na wafugaji kujua tatizo nini mpaka hali inakuwa hivyo, na akashauri ni vyema wafugaji wakaweka njia maalum kwa kupitishia ng’ombe wanapoenda malishoni na kuwaheshimu wenzao.END.