SHERIA ZA USHIRIKA ZIMEPITWA NA WAKATI-RC PWANI-VIDEO

Ben Komba/Pwani-Tanzania/10/4/2014 1:35:59 AM

Mkuu wa mkoa wa Pwani BI.MWANTUMU MAHIZA amewataka watendaji katika vyama vya ushirika kutimiza wajibu wao ipasavyo ili waweze kuvipatia mafanikio yatarajiwayo vyama hivyo ili kuweza kumkwamua mkulima wa kawaida kutoka katika lindi la umaskini.

BI.MAHIZA amesema hayo wakati wa kikao cha Bodi ya Korosho kilichofanyika wilayani Mkuranga, amesema wakati umefika sasa kuzipitia upya sheria za vyama vya ushirika ili kutoa haki sawa kwa mkulima na hasa ikizingatiwa kuwa sheria nyingi za ushirika zimelenga kumlinda kiongozi.

Mkuu wa mkoa wa Pwani BI.MAHIZA ameongeza kuwa imekuwa ngumu kwa chombo chochote kumtia hatiani kiongozi mbadhirifu yoyote wa ushirika kutokana na kuendelea kukumbatiwa sheria zilizopitwa na wakati ambazo zinadumaza maendeleo ya mkulima.

BI.MAHIZA amefafanua kwa upande wa mkoa wa Pwani wao wamekwenda mbali kiasi cha kumshauri Waziri mwenye dhamana na kilimo kufikisha Bungeni maoni yao juu ya uwezekano wa kupitiwa upya sheria za ushirika.

Awali Mwenyekiti wa Bodi ya Korosho nchini,BW.JUMA YUSUF amesema mwaka jana Mikoa inayolima korosho ilipatiwa pembejeo kwa ajili ya kuimarisha mavuno ya zao hilo ikiwa na kuvipatia vyama vya msingi vya ushirika mbegu ya miti ya mikorosho ya kisasa.

END.