WAKULIMA WA MBOGA WATAKIWA KUTUMIA UMWAGILIAJI WA KUNYUNYIZA, ISRAEL IRRIGATION SYSTEM.

Ben Komba/Pwani-Tanzania/3/24/2015 9:36:18 PM

Wakulima wa mbogamboga nchini wametakiwa kulima kilimo kitakachotumia maji ya wastani ili kukabiliana na changamoto ya ukosefu wa maji ya kutosha katika kukidhi mahitaji ya bidhaa hiyo.

Mtaalamu wa kilimo cha umwagiliaji kwa kutumia njia ya unyunyuizaji ambayo ni maarufu nchini Israel inayojulikana kama DRIP IRRIGATION SYSTEM , BW.EPHRAHIM MASSAWE amesema kwa kufanya hivyo wataweza kukabiliana na changamoto kubwa ya ukosefu wa maji kwa ajili ya umwagiliaji.

BW.MASSAWE amebainisha kuwa iwapo wakulima wa mbogamboga watatumia mbinu ya umwagiliaji wa kunyunyiza wataweza kutumia maji machache wanayopata kwa manufaa na tija kubwa, kwani mazao yatastawi na kuweza kupata mavuno makubwa.

Mtaalamu huyo amewasisitizia wakulima wote wa mbogamboga wanaotegemea shughuli hiyo kuendesha maisha yao ya kila siku kutosita kubadilika na kutumia mbinu mpya za umwagiliaji ambao utarahisisha upatikanaji wa maji kwani badala ya kutumia maji mengi kulowesha tuta zima la mboga, teknolojia hiyo nitatoa maji hayo kwenda moja kwa moja katika mmea husika.

Teknolojia hiyo ya umwagiliaji imetokea nchini Israel ambapo imetumika na inaendelea kutumika katika uzalishaji wa kilimo cha matunda katika eneo ambalo awali lilikuwa jangwa.

END.