BILIONI 4 ZATOLEWA KWA AJILI YA MAABARA.

Ben Komba/Pwani-Tanzania/03-11-2014

Mkuu wa Mkoa wa Pwani,BIBI.MWANTUMU MAHIZA amewataka watendaji katika halmashauri ya ya wilaya ya Bagamoyo kulivalia njuga suala la ujenzi wa maabara ili kutekeleza agizo la Rais JAKAYA KIKWETE.

Akizungumza Katika Kikao Cha Baraza la madiwani la halmashauri ya wilaya ya Bagamoyo,BIBI.MAHIZA amesema ni aibu kuona mpaka sasa hakuna maabara hata moja ambayo imeshajengwa na akiuliza anawaambiwa ndio kwanza wanachimba msingi.

BIBI.MAHIZA ameongeza kuwa kuanzia sasa madiwani wanatakiwa kubaki katika Kata zao ili kusimamia ujenzi wa maabara za fizikia,Kemia na Bailojia ili kuweza kutekeleza agizo la Rais.

Mkuu huyo wa Mkoa wa Pwani BIBI.MAHIZA amefafanua kuwa halmashauri ya wilaya imebahatika kupata mkopo wa shilingi bilioni 4 ambazo zimenuwiwa  kwenda kujenga maabara mashuleni na kila kata itawajibika kulipa shilingi Milioni 150 katika kata 22.

Aidha amemtaka Mkurugenzi mpya wa halmashauri ya wilaya ya Bagamoyo, BW.IBRAHIM MATOVU kuandika barua TRA ili kuiomba kuondoa ushuru wa vifaa vitakavyotumika kwa ajili ya ujenzi wa maabara hizo.

NA katika kulisimamia hilo Mkuu wa Mkoa wa Pwani ameweka kambi wilayani Bagamoyo ili kuhimiza ujenzi wa maabara hizo na kila Mkuu wa Idara amepewa kata moja ya kuisimamia na hasa ikizingatiwa kuwa suala la ujenzi wa maabara ni suala la maendeleo.

END.