VIDEO-WAJAWAZITO WASAIDIWA MJINI KIBAHA

Ben Komba/Pwani-Tanzania/28/05/2016 13:40:29

Taasisi ya Kimataifa ya Uingereza ya hiyari ya ABUBAKAR DARWESH imetoa msaada kwa akinamama wajawazito wa Kituo cha afya mkoani Mjini Kibaha ikiwa ni sehemu ya utekelezaji wa utaratibu ambao wamejiwekea katika kusaidia jamii zenye mahitaji.

Mkurugenzi wa taasisi hiyo BW. BILAL DARWESH akikabidhi msaada bhuo amesema kuwa amevutika kutoa misaada ya kiutu kufuatia safari ambayo amefanya toka Dar es Saalam mpaka Sumbawanga na kushuhudia changamoto mbali mbali zinazowakabili wananchi.

Msaada ambao umetolewa na taasisi hiyo ni mabeseni na kila hitaji la mtoto anapozaliwa vikiwa vimefungwa kwa pamoja, aidha ameongeza kuwa Taasisi yake inajishughulisha na usaidizi kwa watu wa imani zote na ikiwa ni moja la lengo kubwa la uanzishaji wake ili kuwawezesha watu wa imani tofauti kuishi pamoja.

Naye mganga mkuu wa halmashauri ya mji wa Kibaha, DR. HAPPINESS NDOSI ameishukuru taasisi hiyo kwa msaada ambao wameutoa kwa kina mama wajawazito ikiwa imeenda sambamba na juhudi za serikali ya kupunguza vifo vya mama na mtoto kabla na baada ya kujifungua.

DR.NDOSI amechukua fursa kuelezea changamoto mbalimbali zinazokikabili Kituo cha afya Mkoani, ikiwa pamoja na mahitaji makubwa ya chumba cha upasuaji.

Mama mjamzito MARIAM ALLY yeye ameelezea uchache wa vitanda ambao unawalazimisha kulala wawili na hivyo kuwalazimu kinamama kulala chini kuwapisha watoto wanapozaliwa.

Na ameiomba serikali kutatua tatizo hilo ili kufikia malengo ya kupunguza vifo vya mama  mtoto kabla na baada ya kujifungua.

END.