WANANCHI WA KATA PANGANI MJINI KIBAHA WASAKA DARAJA

Ben Komba/Pwani-Tanzania/21/05/2016 12:15:47

Wakazi wa mtaa wa Mkombozi katika halmashauri ya mji wa Kibaha wameazimia kujenga daraja litakalounganisha manispaa ya Kinondoni na halmashauri ya mji wa Kibaha ili kupunguza usumbufu unaowapata wananchi wa pande hizo wakati wa mvua.

mmoja wa wakazi wa Mtaa huo ambaye hakupenda kutajwa jina lake amesema kuwa wao kama kamati ya ujenzi wa daraja hilo walikagua maeneo yote ambayo wanadhani panafaa kujenga daraja.

Ambapo hapo palizuka vuta nkuvute kati ya wajumbe wa kamati hiyo na kila mmoja akipenda eneo tofauti kwa ajili ya ujenzi huo na katika kipindi hicho tayari fedha zaidi ya shilingi milioni mmoja zilikuwa zimeshakusanywa.

Walikatishwa tamaa na kauli ya mmoja wa wataalamu wa ujenzi kutoka halmashauri ya mji wa Kibaha ambaye aliwaambia kujenga daraja eneo hilo kungehitaji zaidi ya shilingi bilioni ambapo katika kipindi  hicho hawakuwa nazo fedha hizo.

Diwani wa Kata ya Pangani, BW.AGUSTINO MDACHI amewataka wananchi kusahau yaliyopita ili waanze kuanza upya mkakati wa ujenzi wa daraja hilo lenye manufaa ya kiuchumi na kijamii kwa jamii ya Kata ya Pangani.

BW, MDACHI amebainisha Kata ya Pangani imekuwa inakabiliwa na changamoto mbalimbali kunakosababishwa na uwepo wake pembezoni mwa mji wa Kibahai ikiwemo ukosefu wa soko, huduma za afya na huduma nyingine muhimu kutokana na umbali kutoka Kata hiyo kwenda Kibaha na kulinganisha na ukaribu wa kwenda manispaa ya Kinondoni.

END