MKUU WA WILAYA BAGAMOYO AZUIA MKUTANO WA WAFUGAJI WA KIMASAI

Ben Komba/Pwani-Tanzania/3/9/2016 1:02:57 PM

Mkuu wa wilaya ya Bagamoyo, BW.MAJID MWANGA amelazimika kusimamisha mkutano wa watu wa jamii ya Kimasai kwa madai ya kutokuwa na kibali chenye kuwawezesha kufanya mkutano huo.

Kwa mujibu wa Mkazi wa kijiji cha wafugaji Chamakweza BIBI REHEMA LAINI amesema sababu ya kukusanyika kwao ni kupokonywa eneo lao kwa lengo la kuanzisha mipango miji ilihali ikijulikana wazi mifugo haiwezi kuishi mjini.

BIBI LAINI ameongeza jamii yao imekuwa inanyanyasika sana kama wafugaji na hasa ikizingatiwa mpango bora wa matumizi ya ardhi ambao ulikuwa na lengo la kuainisha matumizi ya ardhi.

Mkazi mwingine wa Chamakweza BW.WILSON OLDONYO amesema tatizo kubwa ambalo wanakabiliana nalo ni kuanzishwa mpango wa mipango miji kitu ambacho walikigomea kiasi cha kususia uchaguzi mkuu uliopita na amebainisha kuwa kijiji cha Chamakweza kimepewa hadhi ya kuwa kijiji cha wafugaji toka mwaka 1975.

Ameongeza kuwa walijaribu kufanya jitihada ya kubadilisha mpango huo, na wakiagizwa wasubiri majibu lakini mwisho wa siku waliambiwa warudi kijijini ambapo wakafanye mpango kijiji hicho kiwe Kata.

END.