VIDEO-YANGA YAIMARISHA NGOME ZAKE

Ben Komba/Pwani-Tanzania/9/4/2015 1:10:38 PM

Klabu bingwa ligi kuu ya Vodacom, Yanga Dar African inaendelea na mchakato wa kujenga kiwanja cha kimataifa cha michezo katika eneo la Jangwani katika suala zima la kuhakikisha wanajitosheleza kwenye miundombinu ya michezo.

Mwenyekiti wa matawi ya Yanga nchini, MOHAMED MSUMI amesema hayo wakati wa uzinduzi wa Tawi la Yanga Maili moja, Kibaha mjini ambapo amesema kuwa mpaka sasa hatua mbalimbali zimeshachukuliwa kuhakikisha mafanikio hayo yanafikiwa.

MSUMI amebainisha kuwa mpaka sasa wameshawasiliana na mamlaka husika ili ikiwezekana waongezewe eneo la kiwanja chao ili waweze kujenga uwanja huo ambao unatarajiwa kuchukua mashabiki 40000 na kuwepo kwa vianja mbalimbali kwa ajili kuendeleza michezo.

Naye mgeni rasmi katika hafla hiyo mfanyabiashara na mshabiki mkubwa wa Yanga, LLYOD ATANAKA ameelezea kufurahishwa kwake na hatua hiyo ya wanachama wa Yanga kujiunga na kufungua Tawi hilo.

Shabiki huyo wa Yanga,ATANAKA amewasisitiza wanachama hao kutoishia kushirikiana katika michezo tu, bali hata katika mambo mengine ya kijamii kama sherehe na misiba.

Baadhi ya matawi ambayo yamehudhuria uzinduzi huo wa tawi la Yanga Mbezi na Tawi la Yanga facebook community.

END