RAIS KUZURU MKOA WA PWANI

Ben Komba/Pwani-Tanzania/2-10-2013/10:21

Raisi wa Jamhuri ya Muungano wa Tanzania DKT.JAKAYA MRISHO KIKWETE natarajia kuanza rasmi ziara yake ya siku nane katika Mkoa wa Pwani,kutembelea kisiwa cha Mafia hapo kesho.

Akizungumza na waandishi wahabri ofisini kwake, Mkuu wa mkoa wa Pwani, BIBI.MWANTUMU MAHIZA amesema kuwa katika ziara hiyo ya kikazi ya siku kati ya mambo ambayo atayafanya ni pamoja na kupokea taarifa ya mkoa na kuweka mawe ya msingi katika miradi ya maendeleo.

BIBI.MAHIZA amebainisha kati ya miradi ya maendeleo itakayowekewa mawe ya msingi ni ya elimu, afya, mahakama, maji na kuzindua gati la bandari ya Mafia ambalo litawezesha kisiwa hicho kuweza kufungua milango ya biashara na maeneo mingine.

Aidha mkuu wa mkoa wa Pwani ameeleza kuwa ziara hiyo itaanzia wilayani Mafia na kuishia wilayani Bagamoyo ambapo moja ya mambo ambayo yatafanyika ni pamoja na majumuisho ya ziara nzima.

END. 

WAKATI HUOHUO

Ben Komba/Pwani-Tanzania/02-10-2013/10:36

Jeshi la Polisi mkoani Pwani linamshikilia Mkazi wa Kitopeni wilaya ya Lushoto moka wa Tanga BW.IBRAHIMU BAKARI mwenye umri wa mika 56, kwa kosa la kukutwa na noti bandia za elfu kumi, 304 zikiwa na namba tofauti.

Kamanda wa Polisi Mkoa wa Pwani, Kamishna msadizi ULRICH MATEI amesema tukio hilo lilitokea hivi karibuni huko Chalinze wilaya ya Bagamoyo mkoa wa Pwni wakati mtuhumiwa huyo akijaribu kununua maji kwa kutumia noti mojawapo ya bandia.

Kamanda MATEI ameongeza kuwa Lakini kwa bahati nzuri muuza maji Yule alipopokea noti ile aliigundua na kutoa taarifa kwa askari waliokuwa karibu na eneo hilo ambao walimkamata na kumfanyia upekuzi na kufanikiwa na kukumta nazo nyingine 304.

END.