WAMTAKA RAIS AWASAIDIE MIGOGORO YA ARDHI KIBAHA MJINI

Ben Komba/Pwani-Tanzania/07-10-2013

Wananchi mjini Kibaha wamemtaka Raisi wa Jamhuri ya Muungano wa Tanzania DKT.JAKAYA KIKWETE, kuwasaidia katika suala zima la kudhulumiwa viwanja vyao kunakofanywa na watendaji wa halmashauri ya mji wa Kibaha mkoa wa Pwani kwa kisingizio cha kupangilia mji.

Mmoja wa wakazi niliokutana nao, BW.JUMA KOLOKONI MUYOMBO amesema yeye ni mstaafu wa shirika la elimu Kibaha na mkazi wa Mtaa wa Mkuza ambaye kwa sasa ni mtu wa makamo amekuwa anamiliki eneo hilo toka mwaka 1977, kiasi cha eka mbili kasorobo.

BW.KOLOKONI amebainisha kuwa mara baada ya kustaafu aliamua kuendelea kuishi eneo la Picha ya Ndege na kutumia eneo ambalo anailalamikia halmashauri kama shamba kutokana na kipindi hicho eneo hilo kuwa pori tofauti na ilivyo sasa.

Naye Mke wa BW. JUMA KOLOKONI, BI.ASHA NDWELA ameongeza kuwa siku moja akiwa analima eneo hilo alitokea Mama mmoja ambaye jina lake hakulifahamu na kumtaka aondoke eneo hilo, kwa sababu eneo hilo ni lake na ameuziwa na halmashauri.

BIBI.NDWELA baada ya kuona hali hiyo aliamua kwenda idara ya ardhi halmashauri ya mji wa Kibaha ili kutaka kujua kilichojiri, na ndipo Afisa ardhi aliyejulikana kwa jina moja la MKOMBO alimwambia kuwa wamekosea kumpatia mama huyo eneo hilo hivyo akaamua kutoa amri ya kumtaka asiendelee na ujenzi eneo hilo.

BIBI.NDWELA amefafanua mara baada ya sintofahamu hiyo kupita na Yule Mama kusimamisha uendelezaji wa eneo hilo, ndipo sasa wakajitokeza watu wengine wanaume ambao walimkuta, BIBI. NDWELA akiendelea na shughuli zake za kilmo watu wale walikuwa wanaendelea kuzungukazunguka eneo lake.

Kuona hivyo BIBI mkubwa huyo aliamua kwenda kuwasalimia na kuwakaribisha lakini kinyume na matarajio yake, mmoja wa watu wale alimjibu unatukaribisha sisi au tukukaribishe wewe ikiwa na maana yeye kwa mgeni katika eneo ambalo amelimliki toka mwak 1977.

BIBI.NDWELA amefafanua kuwa anachokumbuka yeye kabla ya watu wanaodai wamegaiwa eneo hilo na halmashauri kujitokeza, kulipita maaofisa wa ardhi wakamwambia kuwa eneo lake limeingizwa katika mradi wa upimaji viwanja wa SOFU na hivyo mtathimini angekuja kipindi chochote ili kujua thamani hali ya eno lao, kitu ambacho hakikufanyika.

Mbali ya familia hiyo pia kuna, Mkazi mwingine, BW.SEIF MOHAMED naye yupo katika mgogoro wa ardhi inayochochewa kwa kiasi kikubwa idara ya ardhi halmashauri ya mji wa Kibaha, ambapo katika hatua ya kushangaza akiwa tayari amejenga nyumba yake na kuishi miaka 10, alijitokeza mtu akidai hilo ni eneo lake na hivyo kuzua mtafaruku mkubwa.

BW.MOHAMED ameongeza kuwa katika kufuatilia haki yake ilifikia hatua alifukuzwa katika ofisi ya Mkurugenzi wa halamshauri ya mji wa Kibaha kutokana na yeye kuonekena kuwa kero kutokana na kukazania kudai haki yake ambayo baadaye alifanikiwa kuipata kwa tabu.

Naye afisa ardhi halmashauri ya mji wa Kibaha, BW. EDWARD MBALA amejibu tuhuma hizo kwa kusema BW. JUMA KOLOKONI MUYEMBO alishalipwa fidia kupitia uthamini namba, KTC/LD/PD/F/80 na kupatiwa kiwanja namba BLOCK

F-115, ambapo ilimbidi kila mwananchi kulipia shilingi 160,000/= flat rate.

BW.MBALA ameshindilia kwa kusema kuwa watu hao wlilipwa fidia katika mradi wa viwanja 500 katika eneo la SOFU ambapo uthamini ulifanyika mwak 2005 na fidiA kuanza kulipwa mwakA 2007 kupitia fedha zilizotolewa kutoka wizara ya ardhi kiasi cha shilingi milioni 470.

END.