SUMATRA NA WANANCHI.

Ben Komba/29-Oct-13/10:36:08 AM

Mamlaka way a usafiri wan chi kavu na baharini SUMATRA wamewasisitizia wananchi kuto ushirikiano kwao katika kuhakikisha mazingira ya usafirishaji wa abiria na mali zao unakuwa salama na uhakika.

Afisa mwandamizi wa SUMATRA mkoa wa Pwani, BW.NASHON IROGA ameyasema alipokutana na waandishi wa habari ofisini kwake mjini Kibaha ambapo amesema wamekuwa wanakutana na changamoto mbalimbali wakati wa utekelezaji wa majukumu yao ya kila siku.

BW.IROGA amesema mara nyingi wamekuwa wakikutana na abiria ambao hawaelewi umuhimu wa magari yao kukaguliwa, kitu ambacho ni jukumu kubwa la SUMATRA katika kuhakikisha vyombo hivyo vya usafiri  vinakuwa katika viwango vinavyostahili kusafirsha abiria na mali zao.

Ameongeza kuwa abiria wengi ulalamika kwamba wanacheleweshwa safari zao ambapo wakati mwingine mabasi hayo yakionekana dhahiri ni mabovu, na hivyo kuwataka abiria kuelewa dhana nzima ya SUMATRA ya kukagua magari hayo na kuhakikisha hayakatishi ruti ambazo yamepangiwa.

Akizungumzia suala la usafirshaji wa vyombo vya baharini, BW.IROGA amewataka wamiliki wa vyombo hivyo kuzingatia usalama wa utoaji wa huduma wa safari za majini na kuwaasa kutodharau maelekezo ya kitaalamu yanayotlewa na mamlaka ya hali ya hewa kuhusu mwenendo wa bahari.

END.