POLISI TARAFA YAANZISHWA PWANI.

Ben Komba/Pwani-Tanzania/03-10-2013.

Jeshi la Polisi mkoa wa Pwani limezindua mradi maalum wa Polisi Jamii katika ngazi ya Tarafa katika kuhakikisha huduma hiyo inafikia katika ngazi ya chini ya jamii katika kuboresha hali ya ulinzi na usalama.

Kaimu wa kamanda wa Polisi mkoa wa Pwani,  Kamishna msaidizi Yusuph Ally alisema kutokana na uanzishwaji wa mradi wa Polisi jamii ngazi ya Tarafa ambao utawezesha kila Tarafa kuwa na askari 15 ambao watashughulikia na eneo lao.

Kamishna Msaidizi Ally alifafanua kuwa kupitia utaratibu huo kutawezesha kutanua wigo wa utoaji huduma kwa jamii na amewataka wananchi kutoa ushirikianao wa hali na mali kufanikisha mpango huo.

Mratibu wa mpango wa ulinzi wa shirikishi jamii katika mkoa wa Pwani Inspekta Athumani Mtasha alisema kwa upande wao wamejipanga kuhakikisha kwa kushirikiana na jamii wanaanzisha mradi huo kwa manufaa ya suala zima la uzima ulinzi na usalama katika maeneo yao.

Mtasha alifafanua kuwa kwa kuanzia, ofisi za mradi huo  zitakuwa  kwenye Vituo vidogo vya Polisi na katika ofisi za watendaji wa mitaa na vijiji wakati utaratibu wa kupata vituo vya kudumu vya kufanyia kazi.

Akizungumzia suala la askari ulinzi wa ulinzi shirikishi jamii ambao ni raia kutumia nguvu wakati wa ukamataji,  Mtasha alisema katika kuhakikisha zoezi hilolinafanikiwa watatoa mafunzo rasmi ya ukamataji salama ili kuondoa ukiukaji wa haki  za bianadamu.

END.