HALMASHAURI YA MJI KIBAHA YAENDELEA KULALAMIKIWA

Ben Komba/Pwani-Tanzania/29/10/2013-09:41

Halmashauri ya mji wa Kibaha imeshauriwa kuangalia njia njia mbadala ya kuhakikisha kuwa pikipiki na wenye magari wanakuwa na maeneo maalum ya kuegesha magari yao.

Hayo yamezungumzwa na diwani Kata ya Maili moja, BW.ANDREW LUGANO kufuatia malalamiko ya madereva wa vyombo hivyo kufuatia halmashauri kubandika mabango kuzuia uegeshaji wa magari maeneo mbayo yamezoeleka kwa shughuli hiyo.

BW.LUGANO ameongeza kuwa yeye kama diwani wa Kata ya Mailimoja hakubaliani kabisa na hatua aliyochukua Mkurugenzi wa halmashauri ya mji wa Kibaha, BI.JENIFA OMOLO wa kutoa tangazo hilo.

Bw.LUGANO amemtaka Mkurugenzi kabla ya kuanza kubandika matangazo ya makatazo ya uegeshaji wa magari na pikipiki maeneo ambayo yamezoeleka, angefanya utaratibu wa kutengeneza miundombinu ambayo itasaidia kupunguza tatizo hilo yaani maegesho.

Naye dereva wa bodaboda BW. RAMADHAN SAID wa mjini Kibaha ameeleza kusikitishwa kwake na halmashauri kutunga sheria kandamizi kwa wananchi wake kila baada ya muda Fulani na hali yao imekuwa ya mashaka kutokana na utaratibu wa kiutendaji kutokuwa makini.

BW. SAID ameongeza wao wamekuwa wanajitahidi kufuata maelekezo mbalimbali ya maboreshop yanayotolewa na halmashauri lakini mara zote wamekuwa wahanga wa kukamatwa ovyo na kulipishwa faini ambazo hazieleweki, wameiomba serikali kuu kuangalia kwa makini utendaji wa baadhi ya halmashauri nchinio kutokana na baadhi yao kutumika kuwanyonya wananchi.END.