WAHIMZWA KUCHANGAMKIA UJASIRIAMALI.

Ben Komba/Pwani-Tanzania/11:19

Wakulima na wafugaji nchini wametakiwa kuzingatia kutumia mbinu mpya za kufanya shughuli zao ili kuwezesha kwa wakati huohuo kutunza mazingira na utunzaji wa uoto wa asili.

Mwakilishi wa mkuu wa wilaya ya Kibaha, Afisa Tarafa wa Kibaha, BW.ANATOLY MHANGO amesema kuwa wafugaji wamekuwa wakikata majani mengi kwa ajili ya kulishia mifugo yao na kutumia kiasi kidogo cha majani kama asilimia 20 na asilimia 80 iliyobaki yanatupwa.

Bw. MHANGO ameshauri wafugaji kukata majani ya kulishia mifugo kwa kadri ya mahitaji na kuyakata kata katika vipande vidogovidogo na kuyatia chumvi, kwa kufanya hivyo mifugo watakula malisho yao bila kusaza na huku majani mengine yakiwa kama akiba.

Amewaasa wazee kujiunga na mafunzo ya mifugo na kilimo ili waweze kutumia muda wao kwa manufaa, badala ya kukalia kucheza bao na kurandaranda mitaani bila madhumuni yaliyo bayana.

Naye mkufunzi wa mafunzo ya ufugaji na kilimo, BW.MHEGELELE MDUDA amesema Chuo chao kimekuwa kikitoa mafunzo kwa wakulima na wafugaji ili kuwawezesha wazee na wastaafu kufanya shughuli za uzalishaji mali na kuweza kujikwamua kiuchumi.

BW.MDUDA amesema mafunzo hayo yenye lengo la utajirisho wa ufagaji nyuki, ufugaji samaki na kilimo yatawawezesha wastaafu na watu wazima katika kufanya shughuli za mali ambazo zitawawezesha kujikimu hali ngumu ya maisha.

END.