UONGOZI WALALAMIKIWA KUUZA ENEO LA KIJIJI

Ben Komba/Pwani-Tanzania/

Wananchi wa kitongoji cha Ruvu darajani,wilayani Bagamoyo wamelalamikia hatua ya serikali ya muda ya kitongoji cha Ruvu kata ya Vigwaza kugawa shamba la kijiji kwa manufaa binafsi bila kushirikisha wananchi.

Mmoja wa wananchi hao,BW.ATHUMAN MKALI amesema wamesikitishwa na uongozi wa muda wa kijiji cha Ruvu kuuza eneo la kijiji bila kushirikisha wananchi,ilihali kuna wananchi ambao hawana maeneo hata hatua nne kwa ajili ya makazi na mashamba.

BW.MKALI amebainisha kuwa eneo hilo ambalo ni takriban ekari 10, limetolewa kwa mwekezaji huyo kinyemela na inasemekana limeuzwa kwa shilingi milioni 50 kwa mwekezaji, nay eye kuwaahidi kuwajengea vyumba vya zahanati yenye thamani ya shilingi milioni 25 jambo ambalo wananchi hawakubaliani nayo.

Naye BW.HEMED IDD ameelezea kuchukizwa na hatua ya uongozi wa muda kuuza eneo la kijiji kwa faida binafsi, na tukio hilo likiwa linajirudia mara ya pili, ikilifuatia tukio kama hilo ambapo uongozi uliotolewa awali ulifanya kosa kama hilo.

Bw.IDD amefafanua kuwa jambo hilo likifumbiwa macho linaweza kusababisha uvinjifu wa amani kutokana na kukithiri kwa vitendo vya kifisadi kunakofanywa na uongozi huo wa muda na bila hatua madhubuti kuchukuliwa kukubaliana na hali hiyo.

Mwandishi wa habari akizungumza na Mkuu wa wilaya ya Bagamoyo BW.AHMED KIPOZI kuhusiana na suala hilo iwapo kama analifahamu, amejibu kwa upande wake yeye hajui uwepo wa mgogoro huo ila atawasiliana na Katibu tarafa wa eneo hilo kujua kinachoendelea.END