LIGI YA DARAJA LA NNE KUANZA KIBAHA.

By -

Ben Komba-Pwani-tanzania-10/07/2014

Ligi daraja la nne wilaya ya Kibaha inatarajiwa kuanza mara baada ya kukamilika mwezi mtukufu wa Ramadhani, kama kalenda ya michezo ya chama hicho inavyoonyesha.

Mwandishi wa habari hizi akiongea na Katibu wa chama cha soka wilayani Kibaha, SEIF KIDODO amesema fomu kwa ajili ya kujiandikisha kushiriki ligi hiyo ya daraja la nne zimeshaanza kutolewa kwa timu ambazo zina lengo la kushiriki ligi hiyo.

KIDODO ameongeza kuwa kila timu italazimika kulipa kiasi cha shilingi 30,000 ikiwa ni ada ya kiingilio ambayo itatumika katika masuala mbalimbali ya uendeshaji wa ligi hiyo.

Zaidi Katibu wa KIBAFA anaongeza kuwa mwisho wa zoezi hilo ni tarehe 22 Julai mwaka huu.

END

Comments

Post a Comment

Popular posts from this blog

MAFUNZO YA UREFA

By -
Ben Komba/Pwani-Tanzania/23-07-2013/10:03 Chama cha marefa wilayani Kibaha kinaendesha program maalum ya mafunzo kwa marefa wapya wenye kutaka kujiendeleza kuwa waamuzi katika ngazi mbalimbali za ligi za mchezo huo. Katibu wa Chama cha marefa wilayani Kibaha ambaye pia ndio refa bora wa ligi ya VODACOM msimu uliopita BW.SIMON MBELWA amesema lengo la mafunzo hayo ni kuwezesha kuzalisha marefa wapya. BW.MBELWA amefafanua kuwa katika mambo ambayo yatazingatiwa katika mafunzo hayo ni ufundishaji wa sheria 17 za soka ambazo kila mwamuzi anapaswa kuzifahamu kwa ufasaha ili kuepusha malalamiko na wakati mwingine hata vurugu katika mchezo huo. Naye mmoja wa washiriki wa mafunzo hayo, BW. GEORGE amesema kwa kupatiwa mafunzo hayo kutawasaidia kufanya maamuzi yaliyo sahihi wakati wakichezesha mechi za michuano mbalimbali. END.
Read more