KAMISHNA MUSSA AKAGUA MIRADI POLISI JAMII PWANI

Ben Komba/Pwani-Tanzania/24-07-2014

Kamishna MUSSA ALI MUSSA wa Kamisheni ya Polisi jamii amehitimisha ziara kuzunguka mikoa 20 ya Tanzania katika mkoa wa Pwani kwa kukagua miradi ya Polisi jamii inayoendeshwa nchi nzima.

Kamishna MUSSA katika ziara yake mkoani hapa, ameweza kukagua masuala ya usafiri salama wa bodaboda, mradi wa usalama wetu kwanza katika shule ya Msingi Miembesaba na kukagua gwaride la vikundi vya ulinzi shirikishi ya mjini Kibaha.

Akizungumza katika ziara yake katika mkoa wa Pwani, Kamishna MUSSA ALLY MUSSA amewataka wananchi kujua tofauti ya Polisi jamii na Vikundi vya ulinzi shirikishi jamii ili kuweza kupata tafsiri sahihi ya mradi huo.

KAMISHNA MUSSA amesema kuwa jamii imekuwa ikiamini vikundi vyua ulinzi shirikishi ndio Polisi jamii, jambo ambalo ni kinyume na falsafa ya uanzishwaji wa Polisi jamii, na akawaeleza wananchi maana halisi ya ulinzi shirikishi ni kwa kila mmoja wetu awe mwanamke au mwanaume, mzee au kijana na hata mtoto kuweza kwa njia moja au nyingine anaweza kuhusika na ulinzi shirikishi.

Katibu wa Polisi jamii mkoa wa Pwani, BW.PETER MAHABA akisoma taarifa ya kikundi cha ulinzi shirikishi amesema dhana ya ulinzi shirikishi Polisi katika mkoa wa Pwani ilianza Machi 15 mwaka 2013 ambapo Kamanda wa Jeshi la Polisi Mkoa wa Pwani, Kamishna msaidizi wa Polisi, URLICH MATEI aliitisha makampuni ya ulinzi Mkoa wa Pwani na hatimaye kupata uongozi uliopo.

BW. MAHABA ameongeza wamekuwa wakikabiliwa na changamoto mbalimbali am,bazo iliwalazimu baadhi ya watu walioonza nao walijitoa hasa kutokana na mwanzo kuwa mgumu, na wachache waliopo ndio wanaendelea na mpango huo hadi sasa, na kufanikiwa kupunguza kwa kiasi kikubwa cha vitendo vya uhalifu.

Kamanda wa Polisi Mkoa wa Pwani Kamishna msaidizi URLICH MATEI akifafanua amesema wananchi wa Kibaha wamebadilika na kufanikiwa kupunguza vitendo vya uhalifu kwa kushirikiana na Polisi jamii, na amewataka wananchi na vikundi vya ulinzi shirikishi kufanyia kazi kwa vitendo maelezo yaliyotolewa na mkuu wa kamisheni ya Polisi jamii Kamishna MUSSA ALLY MUSSA.

END.