WASAIDIWA MAFRIJI

Ben Komba/Pwani-Tanzania/26-08-2013/17:59

Mbunge wa Jimbo la Kibaha mjini BW.SYLVESTER KOKA amewasaidia vijana wafanyabiashara wa stendi ya mabasi ya Mailimoja mjini Kibaha, mafriji mawili yenye thamani ya shilingi Milioni 1.5.

Akikabidhi mafriji hayo kwa vijana hao, BW.KOKA amesema ametoa mafriji hayo kwa lengo la kuwajengea uwezo vijana hao ambao wanajihusisha na kuuza maji ili waweze kupiga hatua katika biashara zao.

BW.KOKA amesisitiza lengo ni kuhakikisha uchumi wa wananchi wa Kibaha mjini wanakuwa wana uchumi utakaowasaidia kupata ustawi wa kimaendeleo na amewakumbusha wana Kibaha kuhusiana na kauli aliyotoa wakati wa kampeni kuwa atawasaidia wananchi wote watakaounda vikundi.

Amebainisha kupitia serikali ya CCM mpaka sasa wameshafanya mambo mengi ikiwamo uimarishaji wa miundombinu ya barabara na kuimarisha upatikanaji wa maji katika mji wa Kibaha.

Mbunge huyo wa Kibaha mjini BW.SYLVESTER KOKA amewakumbusha juu ya kabla ya yeye kuwa mbunge katika kipindi cha mwaka 2010 kulikuwa hakuna hata barabara moja ya lami lakini kwa sasa mji wa Kibaha ishaanza kujivunia maendeleo yanayotokana na juhudi za CCM nay eye kama mwakilishi wa wananchi wa Kibaha mjini.

END