HIFADHI MSITU RUVU KUSINI.

Ben Komba/Pwani-Tanzania/07-08-2013

Uharibifu wa hifadhi ya msitu Ruvu Kusini umepungua kufuatia doria kali za mara kwa mara zinazofanywa na idara ya Maliasili na utalii katika kuhakikisha wanazuaia ukataji wa miti holela unaotishia kuzuka kwa jangwa.

Hivi Karibuni mwandishi wa habari hizi amejionea mwenyewe uharibifu unaofanywa na watu wanaojishughulisha na ukataji wa mkaa kinyume na taratibu na hivyo kutishia uoto wa asili wa hifadhi hiyo ya Ruvu Kusini.

Mratibu wa mradi wa mama misitu unaonuia kulinda hifadhi yam situ wa Ruvu Kusini TFC, BW.YAHYA MTONDA  amebainisha katika hatua ambazo inabidi kuchukuliwa iwapo mtu atakutwa anakata mkaa bila kufuata taratibu ni kuporwa kwa baiskeli yake ambayo itabidi kulipa faini ili kuipata.

Ameongeza kuwa kwa mtu yoyote anayekamatwa katika hifadhi anakabiliwa faini ya shilingi elfu sabini na aidha atawajibika kukilipa kijiji faini ya shilingi elfu 14 na hivyo kufanya jumla ya faini atakayolipa mtu aliyekiuka taratibu ni sh.elfu 84.

Naye afisa misitu BW. MHANDO MUBARE amesema kwa sasa msitu huo ndio kwanza unaanza kurudi katika hali yake ya awali ambapo sehemu kubwa ulibaki mbuga zisizo na miti kutokana na uoto wa asili kuharibiwa na wakata mkaa na mbao.

BW.MHANDO amefafanua lakini toka walipoanza kuishirikisha jamii katika kulinda hifadhi yam situ wa Ruvu Kusini hali imebadilika kabisa, na kwa sasa wanafikiria kutoa ajira za kudumu kwa watu wanaoshirikiana nao kulinda hifadhi yam situ wa Ruvu Kusini.

END.