FUTARI YATOLEWA KWA WAUMINI PWANI

Ben Komba/Pwani-TANZANIA/06-08-2013/13:27

Meya mji wa Bagamoyo ABDUL SHARIF amewataka Waislamu nchini kushirikiana na watu wenye imani tofauti katika kulijengea Taifa ustawi na kuimarisha umoja na mshikamano miongoni mwa Watanzania.

BW.SHARIFU amesema hayo akitoa futari kwa wakazi wa eneo la Miono wilayani Bagamoyo mkoa wa Pwani, amefafanua kuwa kumekuwa kuna wakijitokeza kujaribu kuanzisha migogoro ya kidini nchi mwetu ambayo haina tija yoyote kwa Watanzania, hivyo amewasihi Waislam kutokubaliana na uchonganishi huo unaotishia ustawi wa jamii na Taifa kwa ujumla.

Amelaani baadhi ya wanasiasa wanaotumia mgongo wa dini kwa kujaribu kuanzisha vurugu nchini kwa lengo la kutaka kuendelea kutawala ilihali toka zamani wakristo na waislamu wote ni wa moja na wote ni watanzania.

Naye Mbunge wa Kibaha mjini BW.SYLYVESTER KOKA naye ametoa futari kwa viongozi wa misikiti 56 iliyopo Kibaha ikiwa sehemu ya mchango wake kwa waumini wa dini ya kiislamu katika kipindi hiki cha mfungo wa mwezi mtukufu wa Ramadhani.

BW.KOKA alichukua fursa hiyo kuwashukuru Waislamu kwa kumchagua bila kujali kabila lake wala dini yake, ili hali kuna waislamu wengi mjini Kibaha lakini kwa moyo mmoja wamempigia kura na hatimaye kuwa mbunge.

Amewaomba waumini wa dini zote kuheshimiana ili kujenga utangamano na umoja miongoni mwa watanzania, na kuepusha vurugu za kiimani zinazotokea maeneo mbalimbali nchini.

Naye SHEKHE SAID LIPAMBILA ,shekhe mkuu wa mkoa wa Pwani  BAKWATA amemshukuru Mbunge huyo kwa kuikumbuka jumuiya ya Kiislam katika kipindi hiki cha mwezi mtukufu wa Ramadhani na kumuombea kwa Mwenyezi Mungu ampe mafanikio na amani.

END.