WAFUGAJI NA WAKULIMA WAVUTANA

Ben Komba/Pwani-Tanzania/27-08-2013/09:50

Wakulima wa katika Bonde la mto Ruvu katika kijiji cha Kidogozelo kata ya Vigwaza Tarafa ya Msoga wameitaka halmashauri ya wilaya ya Bagamoyo kuwasaidia katika suala zima la kupambana na wafugaji wanaolisha katika mashamba yao na kuchoma moto vibanda vya shamba.

Mkazi wa kijiji cha wakulima cha Kidogozelo BW. OMAR NDEKIO amesema kuwa wakulima wamekuwa wa desturi ya kuswagia mifugo yao katika mashamba ya wakulima kwa makusudi na inapotokea mkulima kulalamika wanamtishia.

BW.NDEKIO amesema agost 22 mwaka huu Shamba lake la nyanya na mahindi lilivamiwa na ng’ombe na kuharibu kabisa mazao yake kwenye shamba, na kutokana na hilo alichukua hatua ya kwenda kuripoti Polisi Vigwaza ili kuangalia jinsi gani anaweza kufidiwa.

Nikiongea na Mtendaji wa kijiji cha Wakulima cha Kidogozelo, BW.MANENO BUNA amesema yeye anayo taarifa kuhusiana na uvamizi uliofanywa katika shamba la BW. OMAR NDEKIO.

Na mwandishi wa habari hizi alipotaka kujua ni hatua gani serikali ya kijiji inachukua hatua gani kukabiliana na hali hiyo, BW.BUNA amesema kwa sasa mipango inafanyika kuwepo kwa kikao cha pamoja kati ya wakulima na wafugaji ili kujaribu kuepusha uvinjifu wa amani.

BW.BUNA ameongeza kuwa suala la wakulima na wafugaji ni tatizo kubwa na katika ofisi ya kata kuna migogoro lukuki kuhusiana na migogoro ya wakulima na wafugaji, wafugaji hao ambao sio wakazi wa maeneo hayo wamekuwa kero tosha kwa wananchi wa kijiji hicho.

END