WAZIRI SIMBACHAWENE AAHIDI KUSHUGHULIKIA KERO SHIRIKA LA ELIMU KIBAHA

Ben Komba/Pwani-Tanzania2/21/2016 10:28 AM

Shirika la elimu Kibaha limetakiwa kufanyakazi kwa kadiri ya misingi ya uanzishwaji wake ili liweze kufikia malengo yalikusudiwa.

Hayo yamezungumzwa na Waziri wan chi ofisi ya Rais TAMISEMI,BW.GEORGE SIMBACHAWENE wakati akizungumza akiwa katika ziara ya kutembelea shirika hilo mjini Kibaha.

Ambapo amesema kuwa kwa kufuta misingi ya kuanzishwa kwake ambako kulikuwa kumelenga kumkomboa mwananchi wa kijijini kutoka kwa maadui wakuu watatu ujinga,maradhi na umaskini katika kuhakikisha maendeleo yanafika hadi ngazi ya kijiji.

Aidha katika ziara yake ametembelea mradi wa mwekezaji ORGANIA ambao wamewekeza katika mifugo na kilimo na kupata taarifa ya utekelezaji wa mradi huo.

Jambo jingine ambalo Waziri SIMBACHAWENE alikutana nalo ni malalamiko ya wafanyakazi ya kuwepo kwa kukosa stahili zao mbalimbali ambapo waziri huyo amewaahidi wafanyakazi kuzichunguza na kutoa mrejesho kwao hapo uchunguzi utakapokamilika.

Kwa upande wake Mkurugenzi wa Shirika la elimu Kibaha, BW.CYPRIAN MPEMBA amesema shirika la elimu kupitia hospitali limefanikiwa kuimarisha ukusanyaji wa mapato kutoka shilingi laki tatu za awali ambazo zilikuwa zinakusanywa kwa siku hadi kufikia kukusanya shilingi milioni sita kwa siku.

BW.MPEMBA amefafanua kuwa mafanikio hayo yamepatikana kufuatia kufungwa kwa mfumo wa kielektroniki wa malipo ambao kwa kiasi kikubwa umepunguza mianya ya upotevu wa fedha.

END