VIDEO-VIGOGO WAVAMIA MSITU MOROGORO

Ben Komba/Pwani-Tanzania/2/27/2016 11:56:43 AM

Wananchi wamesisitizwa kufuata sheria zilizopo zenye kulinda hifadhi za misitu ili kuboresha mazingira ya nchi na kuzuia mabadiliko ya tabia ya nchi ambako kunasababishwa na ukataji hovyo wa miti kwa ajili ya shughuli za kibinadamu.

Mshauri wa maliasili Mkoa wa Morogoro BW.JOSEPH CHUWA ameyazungumza hayo hivi karibuni OFISINI KWAKE kufuatia kuongezeka kwa uvamizi wa maeneo ya hifadhi na kusababisha kuongezeka kwa utokaji wa hewa ukaa ambayo inaathiri majira ya mwaka.

BW.CHUWA amesema iwapo kila mmoja wetu akiheshimu sheria za uhifadhi wa misitu kama ilivyoanishwa kuna uwezekano mkubwa wa kurudisha hifadhi za misitu na kurudi kama awali.

Moja ya hifadhi ya misitu iliyovamiwa ni iliyopo kati ya wilaya ya Mvomero na manispaa ya mji wa Morogoro na watu kuanzisha makazi na wengi wao kuwa ni vigogo wenye nafasi mbalimbali katika serikali na vyama ikiwa pamoja na matajiri.

Ambapo kumekuwepo na malalamiko kutoka kwa wananchi wa upande wa Mvomero ambao nyumba za zimevunjwa kutokana na kujengwa katika eneo la hifadhi, lakini ikiwa tofauti na wenzao wa manispaa ya Morogoro nao wamevamia na wakiwa wameachiwa kuendelea kuishi katika hifadhi hiyo kutokana na uwezo wao kifedha na kimamlaka.

Naye mkuu wa wilaya ya Morogoro, BW. MUHINGO RWEYEMAMU amesema kuwa ofisi yake ina taarifa ya kuwepo na mgogoro huo na kwa sasa suala hilo lipo mikononi mwa Waziri anayehusika na ardhi kwa ajili ya kupatiwa ufumbuzi.

Mkuu huyo wa wilaya ya Morogoro amefafanua kuwa eneo ambalo limevamiwa lilitangazwa kwa hifadhi toka mwaka 1953.

END.