WAANDISHI WA HABARI WAPATIWA MAFUNZO YA UCHAGUZI

Ben Komba/Pwani-Tanzania/8/12/2015 2:26:00 PM

Waandishi 25 wa kutoka kanda ya mashariki odoma ambayo inachukua mikoa ya Morogoro, Iringa, Pwani  na Dodoma wamekutana mkoani Morogoro kupatiwa mafunzo juu  kuripoti ya uchaguzi.

Mafunzo hayo ambayo yameandaliwa na Baraza la habari Tanzania na kufadhiliwa na BBC MEDIA ACTION, Mratibu wa mafunzo hayo kutoka baraza la habari Tanzania,BW.SAID HASSAN amesma kuwa lengo la mafunzo hayo ni kuwajengea uwezo waandishi hao katika kuripoti habari za uchaguzi.

BW.HASSAN amefafanua kuwa wameshirikiana na BBC MEDIA ACTION kutoa mafunzo hayo kwa waandishi hao wamegawanywa katika kanda saba za mafunzo zikiwemo kanda ya Pwani, Kanda ya Zanzibar, kanda ya Nyanda za juu Kusini, kanda ya mashariki,kanda ya kati, kanda ya Kaskazini na kanda ya Ziwa.

mmoja wa washiriki  wa mafunzo hayo, BI. AGUSTA NJOJI kutoka Dodoma yeye kwa upande wake ameelezea kufurahishwa kwake na  uamuzi wa MCT na BBC kwa kutoa mafunzo hayo yenye kutoa muongozo kwa waandishi wa Habari kuhusiana na uandishi wa Habari za uchaguzi.

Bi. NJOJI ameongeza kuwa kutokana na elimu hiyo itawezesha kwa njia moja na nyingine kuandikwa kwa Habari kuhusiana na uchaguzi kwa umahiri na weledi wa hali ya juu bila kuegemea upande wowote.

END