U-MUNGU MTU KUIUA CCM

Ben Komba/Pwani-Tanzania/8/11/2015 11:05:47 AM

Mwenyekiti wa CCM Sumbawanga mjini ametishia kujiuzulu baada ya kuibuka kwa vitendo vya kukiuka utaratibu wa kura za maoni ya chama hicho katika kupata mgombea ambaye atawakilisha wananchi wa Jimbo hilo.

Habari za uhakika ambazo mwandishi wa habari  amezipata ni kuwa uongozi wa Chama hicho wamekuwa wakikiuka taratibu za kura maoni kutokana na wengi wao  kuendekeza rushwa na kumbeba mtu anayewapa chochote.

Mmoja wa wakazi wa Sumbawanga, BW.HENRY MAKUNGU ameshangazwa na hatua ya CCM mkoa kutopeleka jina la mmoja wa wagombea kujadiliwa baada ya kukata rufaa kwa lengo la kumbeba Mbunge amabye amemaliza muda wake, BW.AISHI HILALI.

BW.MAKUNGU amefafanua kuwa taratibu ambao viongozi hao wa chama kunatoa fursa ya chama hicho kujimaliza kutokana na baadhi ya viongozi wa chama hicho kujifanya Mungu watu, kitu ambacho kitakigharimu chama hicho.

Bw. MAKUNGU ameongeza kutokana na tukio hilo tunajipanga kuhakikisha tunampigia kura mgombea wa UKAWA, BW SHADRACK MMALILA ambaye ndiye anatarajia kutoa upinzani mkali kwa mgombea  wa CCM.

Habari za kuaminika zinasema kuwa vitendo hivyo vimesababisha Mwenyekiti wa CCM,Sumbawanga mjini BW. SULEIMAN KILINDU ametishia kujiuzulu kufuatia kuporomoka kwa kasi maadili katika chama hicho na kuwathamini watoa rushwa.

END