KADA KIJANA WA CCM ATIA NIA UDIWANI

Ben Komba/Pwani-Tanzania/6/19/2015 3:38:25 PM

Katika hali isiyo ya kawaida Mtendaji wa Kijiji cha Ruvu darajani amejikuta amewekwa kizuizini kufuatia wananchi wa kijiji cha Ruvu darajani kutaka kufanya mkutano kujadili hatua ya baadhi ya wananchi kuvamia eneo la kijiji hicho na kuanzisha makazi bila kuwashirikisha wananchi.

Mtendaji huyo wa kijiji cha Ruvu darajani, BI.RIZIKI MLELA ameshikiliwa baada ya kupigiwa simu kutoka Tarafani muda mfupi kabla ya kuanza mkutano huo wa kijiji ambao moja ya agenda ni kujadili kauli ambayo inadaiwa kutolewa na Mkuu mpya wa wilaya ya Bagamoyo, ya kutengua makatazo yote ambayo yametolewa mtangulizi wake.

Kitendo cha Mkuu huyo mpya ya wilaya ya Bagamoyo, BW.MAJID MWANGA kimewanyong’onyeza wananchi wa kijiji hicho ikizingatiwa ardhi iliyopo hata wenyewe haiwatoshi na itakuwaje yeye mgeni kupuuza wenyeji wake.

Mwanakijiji   wa Ruvu darajani, BW.RAMADHAN KONDO amesema mara baada ya wanakijiji kulalamika  juu ya uwepo wa wavamizi katika kijiji chao ilihali wenyewe hawana hata ardhi, na mkutano ambao wameuandaa ulikuwa ni wa amani.

Na ameshangazwa na Mkuu wa wilaya kutoa amri ya kusema wavamizi hao wasibuguziwe kutokana na wao ni raia wa Tanzania, na kuhoji ukiwa raia unaruhusiwa kuvunja sheria.

Mwenyekiti wa kijiji cha Ruvu darajani,BW.KAMBONA KWALO ameelezea kushangwaza kwake na Mtendaji wa  Kijiji,BI.RIZIKI MLELA kuwekwa kizuizini na Katibu tarafa, na hivyo wamechukua hatua ya halmashauri ya kijiji hicho na baadhi ya wananchi kwenda kujua kilichojiri.END.