SHERIA KANDAMIZI YAKEMEWA

Ben Komba/Pwani-Tanzania/6/17/2015 12:09:25 PM

Hatua ya serikali kutunga muswada kandamizi juu ya uhuru wa kujieleza ina lengo la kuhakikisha watawala wanaendesha mambo watakavyo wenyewe hata kama wakiwa wanafanya kinyume bila kukosolewa, hali ambayo itachochochea kasi ya ufisadi wa mali ya umma nchini.

Mwanasheria DAMAS NDUMBARO ameyasema alipokuwa anatoa mada kwa viongozi vijana wa Afrika katika ofisi ya Taasisi ya FRIEDRICH EBERT STIFTUNG, ambapo amefafanua sheria hiyo itawafanya watumiaji waz mtandao kuwa katika mtego wa kushitakiwa muda wowote.

BW.NDUMBARO amebainisha kuwa sheria hiyo inaminya uhuru wa kujieleza wa raia ambapo vitisho na adhabu kali kwa yoyote ambaye atakaiuka masharti magumu yaliyowekwa na sheria hiyo kandamizi.

BW.NDUMBARO ameongeza kuwa adhabu ambazo zitatolewa ni kifungo miaka cha miaka mitano jela au faini ya shilingi milioni 20 kwa mwananchi ambaye atatiwa hatiani na kuzitaja sheria ya kupata Habari ya mwaka 2015, sheria ya vyombo vya Habari,sheria ya mtandao na takwimu ni shoka juu ya uhuru wa kujieleza.

Naye BW,HENRY MUHANIKA mwezeshaji  mwandishi wa Habari nguli, ameishangaa serikali kuleta miswada hiyo katika kipindi hiki kueleka uchaguzi, kitu ambacho kina lengo la kuwabana wananchi wa kawaida wasiweze kupata taarifa muhimu na sahihi kuhusu mustakabali wa nchi yao kisiasa,kijamii na kiutamaduni.

Naye Mwakilishi wa FREDIRICH EBERT STIFTUNG nchini, BW.ROLF PAASCH amewataka wanahabari nchini kuacha kujifafanisha na wataalamu wa kada nyingine  kama ya udaktari, uanasheria na uhandisi kwani hakuna uhusiano kabisa na kada hiyo ambayo imejikita kwa mwananchi mwenyewe kupitia uhuru wa kujieleza.

Ameongeza kuwa nchini Ujerumani hakuna utaratibu kama huu ambao umependekezwa katika sheria ya mtandao ya kutaka waandishi wawe wamesajiliwa kitu ambacho ni cha kushangaza na kinaweza kukiletea taifa matatizo hasa kutokana na uhuru wa kujieleza kuwa sehemu ya masharti ya Benki ya Dunia kutoa misaada kwa nchi maskini.

BW.PAASCH amefafanua kuwa kupitia uhuru wa kujieleza hali ya uwajibikaji na matumizi sahihi ya fedha za umma utaimarika na hivyo, kuweza kuwabana mafisadi ambao hawataki mambo mabaya ya kwao kuwekwa wazi.

END.