WLAC YAWAPATIA WASAIDIZI WA KISHERIA MAFUNZO

Ben Komba/Pwani-Tanzania/

Kituo cha msaada wa kisheria kwa wanawake-WLAC-  kimetoa mafunzo kwa wasaidiz wa kisheria wilayani Kibaha ili kuweza kuwajengea uwezo na kuwawezesha kusaidia jamii katika maeneo yao wanaokabiliwa na migogoro mbalimbali.

Afisa mradi msaidizi wilaya ya Kibaha, kutoka WLAC ambao wanasaidiwa kwa ufadhili wa LEGAL SERVICES FACILITIES, BI.SABRINA MTEGA amebainisha kuwa mradi huo umelenga kutoa mafunzo ya siku 25  kwa wasaaidizi wa kisheria wilayani Kibaha.

BI.MTEGA ameongeza kuwa anatarajia mara baada ya kukamilika kwa awamu ya tatu nay a mafunzo hayo, wasaidizi wa kisheria watakuwa wamefundishwa mbinu mbali mbali za kupambana na changamoto za kisheria ikiwa pamoja na kutoa rufaa klwa masuala ambyo yanahitaji utaalamu zaidi wa kisheria,

BI,MTEGA amewataka wasaidizi wa kisheria wanaopatiwa mafunzo wafanye kazi kwa mshikamno na kuweka ubinafsi pembeni ili malengo ya mradi yaweze kufikiwa.

Naye mwezeshaji kutoka WLAC,BW.ROBERT CHUWA akitoa mada ya haki za binadamu mbele ya washiriki wa mafunzo hayo esema kuwa haki za binadamu ni stahiki aambayo  binadamu anazaliwa nayo na wala si hisani.

BW.CHUWA amefafanua kuwa nchini Tanzania haki za binadamu ziliingizwa rasmi katika katiba ya Jamhuri ya muungano wa Tanzania ya mwaka 1984 ilipofanyiwa marekebisho, na kujitokeza vizazi mbalimbali vya haki za binadamu.

END