WANANCHI WAIGOMEA TANROADS

Ben Komba/Pwani-Tanzania/Sunday, June 01, 2014

Wakazi wa Kata ya Pangani na Kata ya Maili moja halmashauri ya mji wa Kibaha wamewazuia wakala wa barabara Tanzania TANROADS kuweka mawe katika maeneo yao kabla hawajalipwa fidia stahili kutokana maeneo yao kummegwa kutokana na upanuzi wa barabara ya TAMCO-MAPINGA.

　

Akizungumza na mwandishi wa habari hizi, Diwani wa Kata ya MAILIMOJA BW.ANDREW LUGANO akiaambatana na mwenyekiti wa serikali ya machinjioni,amesema inashangaza kuona TANROADS wanaweka mawe kana kwamba wameshakamilisha taratibu za kulipa fidia.

　

BW.LUGANO amebainisha kuwa tahtimini katika eneo hilo imeshafanyika na kinachosubiriwa na kwa TANROADS kulipa fidia kwa wananchi hao, toka kwa sasa wanashindwa kuyaendeleza kuhofia kuvunjwa na TANROADS na hivyo kuwafanya kuishi katika hali ya wasiwasi na kushindwa kujua hatima yao.

　

BW.LUGANO ameshangazwa na hatua hiyo ya TANROADS kuanza kuweka mawe kabla ya kulipa fidia kwa wananchi, kitu ambacho hakikubaliki hata kidogo kwa wananchi ambao maeneo yao yanapitiwa na barabara hiyo.

　

Akizungumzia suala hilo Meneja wa TANROADS Mkoa wa Pwani, BW.TUMAINI SARAKIKYA ameelezea kuelewa kwake juu ya mgogoro wa wananchi kuhusiana na madai ya fidia yao, ana amemweleza mwandishi wa habari hizi kuwa suala lao linashughulikiwa na litafanyiwa kazi muda wowte kuanzia sasa.

END.

--