ABIRIA WATAKIWA KUTOA USHIRIKIANO SUMATRA

Ben Komba/Pwani-Tanzania/9/7/2013,10:36

Mamlaka ya ya usafiri wa majini baharini na nchikavu imewataka abiria kushirikiana kwa karibu na malamka inapotokea ukiukaji wa taratibu za usafiri unaofanywa na wamiliki na wafanyakazi wa magari ya abiria.

Akiongea na mwandishi wa habari hizi afisa mfawidhi mkuu wa SUMATRA Mkoa wa Pwani, BW.NASHON IROGA amesema kumekuwepo na matatizo makubwa wanayokabiliana nayo katika kuhakikisha huduma za usafiri zinazotolewa zinakuwa katika kiwango stahili.

BW.IROGA amesikitishwa na baadhi ya abiria ambao wamekuwa wanashirikiana na wafanyakazi wa magari ya abiria kukiuka kwa makusudi taratibu za usafiri salama na hata kushirikiana nao inapotokea bai limeshikiliwa kutokana kukiuka taratibu kwa kisingizio cha kutaka kufika wanapokwenda.

Naye msafiri alikuwa anasafiri na na Basi la Mbazi aliyejulikana kwa jina la YUDA kwa upande wake amesikitishwa na kitendo cha nauli kupandishwa kiholela kwa abiria huku mamlaka husika zikiwa hazichukui hatua stahili kukabiliana na hali hiyo.

Lakini katika tukio hilo mwandishi wa habari hizi alishuhudia baadhi ya abiria ambao walizidishiwa nauli wakirudishiwa fedha zao chini ya usumamizi wa SUMATRA Mkoa wa Pwani.

END.