MAJI YASABABISHA UVINJIFU WA AMANI

Ben Komba/Pwani-Tanzania/10/12/2015 11:52:08 AM

Suala la ukosefu wa maji katika maeneo mbalimbali nchini linaelekea katika kusababisha uvunjifu wa amani kama hatua za makusudi hazitachukuliwa kukabiliana na hali hiyo.

Mwandishi wa Habari hizi ameshuhudia dhahama kubwa kati ya wananhi ambao kwa miaka mingi wameishi kama majirani wamejikuta wanalazimika kukunjiana ngumi na jirani mwenzie kisa maji, ambayo yamekuwa lulu maeneo mengine ya mkoa wa Pwani.

Sintofahamu hiyo imejitokeza katika kijiji cha Kiluvya madukani A, katika wilaya ya Kisarawe mkoa wa Pwani, Ambapo kwa mujibu wa msimamizi wa kiosk cha kuuza maji BW.RAYMOND KOBELO ambacho kilibuniwa na Waziri Mkuu Mstaafu, MH.FREDIRICK SUMAYE ili kuwasaidia wakazi wa eneo hilo.

BW.KOBELO amejitetea kuwa Bomba hilo limewekwa kwa hisani ya Waziri mkuu mstaafu na hicho ni moja ya vituo vinne ambavyo vilifunguliwa katika wakati huo, hatua ya wananchi kutaka kuchukua mita ya maji ya kituo hicho na kupeleka kituo kingine yeye hakubaliani nacho.

Bw. KOBELO ameita Hatua ya wananchi kutaka kuchukua mita kutoka katika kituo hicho na kuipeleka katika kituo kipya kilichoanzishwa na nguvu za wananchi  ni sawa na wao kujichanganya toka mita hiyo ipo kwa jina lake, hivyo amewataka wananchi kufuatilia mita DAWASCO.

Akiongea katika tukio hilo mtumishi wa DAWASCO, Kisarawe BW.BWIRE MARWA amewataka wananchi hao kupunguza jazba wakati yeye atakapoenda kumshauri meneja wa DAWASCO Kisarawe, kuangalia uwezekano wa wananchi hao kupatiwa mita ya maji kama bodi ya maji ya kitongoji hicho inavyotaka.

Katibu wa Bodi ya maji kitongoji Kiluvya madukani A, BIBI .MARIETHA KAVISHE amesema kuwa wao kama wahusika wa maji katika kitongoji chao, wamekuwa wakipokea malalamiko mbalimbali kutoka kwa wananchi.

BIBI.KAVISHE amefafanua kuwa wananchi wengi wamekuwa wakidai kuwa mara nyingine wamekuwa wanatukanwa wanapokwenda kuchota maji katika kituo hicho ikiwqa pamoja na sharti la kuchota maji mwisho saa 12 jioni.

BIBI. KAVISHE ameongeza kitu ambacho wananchi kimewakasirisha ni unit za maji kuongezeka tofauti na wanapoziacha siku ya mwisho na kugundua kuwa kuna ujanja Fulani umefanyika na kujikuta wananchi wanaibiwa fedha zao bila kujijua, na kulazimika kulipa bili mpaka shilingi 70,000/=

END.