VIDEO-ACT WAZALENDO YA PILI KWA KUSIMAMISHA WAGOMBEA WENGI NYUMA YA CCM

Ben Komba/Pwani-Tanzania/10/2/2015 2:13:19 PM

Vijana wametakiwa kutojiweka nyuma katika kipindi hiki kuelekea uchaguzi kwa kujitokeza na kufanya maamuzi ambayo yataletea Taifa tija kutokana na wao kuwa na mchango mkubwa katika ujenzi wa Taifa.

Hayo yamezungumzwa na mgombea ubunge kupitia tiketi ya ACT-WAZALENDO katika Jimbo la uchaguzi Bukoba vijijini, BW. ABDUL RUSHAKA akiwa mmoja ya vijana ambao kwa kutokana na ujasiri alionao ameamua kujitosa kupambana kumng’oa mbunge ambaye amemaliza muda wake.

BW.RUSHAKA amesema ingekuwa vyema iwapo wananchi wakiamua kufanya mabadiliko ili kuliletea Taifa maendeleo ambayo yamekuwa yanasubiriwa kwa takribani miaka 50 sasa ambapo amewasisitiza vijana kujitokeza kwa wingi kushiriki zoezi hilo la kihistoria.

BW.RUSHAKA amewasihi wapinzani wote ambao wapo ndani ya UKAWA na nje ya UKAWA kuunganisha nguvu ili kuwang’oa chama tawala ambao mpaka sasa wamejenga tabia ya kuwa wao hawawezi kushi mpaka wawe watawala na kuwataka wapinzani kutopoteza muda kugombana wenyewe kwa wenyewe badala ya kumlenga adui yao mkuu ambaye ni chama tawala.

END