ZAHANATI YAPANULIWA MJINI KIBAHA

Ben Komba/Pwani-Tanzania/01-3-2014:11:51

Zahanati  ya Mkoani inafanyiwa upanuzi kuwezesha kuchukua kinamama wajawazito wapatao 250 mpaka 300 kwa mwezi na ujenzi huo unatarajia kutumia shilingi Milioni 250 ikiwa ni mapato ya ndani ya halmashauri ya mji wa Kibaha.

Akizungumza na mwandishi wa habari hizi, Mganga mkuu wa halmashauri ya mji wa Kibaha, BW.ISSA KANIKI amesema kuwa Zahanati ya Mkoani imekuwa na tatizo kubwa linapokuja suala la kinamama wajawazito, ambapo kwa sasa Zahanati ina vitanda  vya kujifungulia kinamama wajawazito.

BW.KANIKI ameongeza ujenzi huoo utawanufaisha zaidi kinamama na watoto wachanga, Mpaka sasa mkandarasi ameshapatikana na ujenzi unatarajia kukamilika Mei 30, moja ya majengo yatakayojengwa ni holi la kupumzikia, holi la kinamama ambao wamejifungua na wanaporudi nyumbani wanapata matatizo na kulazimika kurudi hospitali.

aidha amefafanua kuwa kila kitu kimekamilika na hakuna tatizo lolote na mkandarasi yupo eneo la ujenzi akiendelea na kazi, ingawa ili upanuzi  ufanikiwe kunahitajika mchango wa hali na mali kutoka halmashauri na maeneo mengine kwa wadau wa maendeleo wa sekta ya afya.

Ujenzi huo ambao unatarajiwa kuchukua kipindi cha miezi mitano kutoka Januari mpaka Mei 30 mwaka huu, na kwa kukamilika kwa ujenzi huo kutarahisisha utoaji wa huduma kwa mama na mtoto katika kipindi hiki ambapo serikali imevalia njuga kuboresha huduma za Baba,Mama na Mtoto.

Mwenyekiti Chama cha Mapinduzi Kata ya Tumbi, BW.CHARLES KAPAMA ameipongeza halmashauri ya mji wa Kibaha kusimamia na kutekeleza ilani ya uchaguzi wa chama hicho katika kuhakikisha uboreshaji wa utoaji wa huduma ya afya.

END.