NYUKI MKOMBOZI KIUCHUMI

Ben Komba/Pwani-Tanzania/29-11-2013/10:41

Taasisi wa masuala ya haki za binadamu na maendeleo WAHABIMA wanuia kusaidia wajasiriamali wa mjini wa Kibaha katika suala zima la ufugaji wa nyuki wa asali ili kuongeza kipato cha familia.

Akizungumza katika uzinduzi wa warsha inayohusiana na ufugaji nyuki wa asali, Mshauri mwelekezi, BW.DOMINIC KIWELE amewaeleza washiriki kuwa ufugaji wa nyuki ukifanywa kwa kuzingatia ushauri wa kitaalamu unaweza  kukikomboa familia na umaskini wa kipato ambao ndio tatizo kubwa miongoni mwetu.

BW.KIWELE amebainisha kuwa gharama za kuanzisha ufugaji wa nyuki ni ndogo kulinganisha na ufugaji mwingine wowote kwani ili kuweza kufuga nyuki itakubidi kuingia gharama kidogo kwa ajili ya kutengenezea mzinga ambao utatumika kutegea nyuki ukiwa na chambo chake ambacho ni nta inayozalishwa na nyuki.

Mshauri mwelekezi huyo, BW.DOMINIC KIWELE amefafanua kuwa watu wengi wamekuwa wanaogopa kufuga nyuki wakihofiwa kushambuliwa nao kitu ambacho sio loazima na hasa ukizingatia unafuga nyuki wa aina gani, kwani kuna aina mbili za nyuki, moja ni nyuki wanaouma qambao inashauriwa kuwafuga mbali na jamii na aina ya pili ni nyuki wasioouma maarufu kama nyuki wadogo hao wanaweza kufuga karibu na jamii.

Naye ofisa wa maendeleo ya jamii halmashauri ya mji wa Kibaha BI.LEAH LWANJI amepongeza hatua iliyofanywa na WAHABIMA   kuwafikia wakazi wa eneo la Miswe chini katika kuwawezesha kutambua umuhimu wa ufugaji wa nyuki katika suala zima la familia kujiongezea kipato.

BI.LWANJI amewataka watendaji katika halmashauri kutoa ushirikiano wa hali na mali kwa taasisi hiyo yenye lengo la kumkomboa mwananchi kiuchumi kupitia ufugaji wa nyuki.

END.