WAZAZI WATAKIWA KUSAIDIANA WALIMU

Ben Komba/Pwani-Tanzania/17-09-2013/10:22

Wazazi nchini wametakiwa kusaidiana na Walimu katika kuhakikisha wanafunzi wanapata mafanikio ya kielimu na kijamii ili kuweza kujenga jamii yenye maarifa na nidhamu ambayo itawasaidia katika maisha yao ya baadaye.

Akizungumza katika mahafali ya kumaliza elimu ya msingi Katika shule ya KIBAHA INDEPENDENT mjini Kibaha, Mke wa Mbunge wa Jimbo la uchaguzi Kibaha mjini, BIbi.SELINA KOKA amewaasa wazazi kutowaachia Walimu pekee jukumu la kuwalea watoto kielimu.

BIBI.KOKA amefafanua kutokana na wakati mwingi wanafunzi kuwa Walimu katika suala zima la kupatiwa elimu na ulezi wanapokuwa shuleni, na wazazi nao hawana budi kuwajibika katika kuhakikisha mara mwanafunzi anaporudi kutoka shule wanangalia maendeleo yao katika kuhakikisha malengo ya kuwapatia wanafunzi elimu bora yanafikiwa.

Aidha BIBI.KOKA ameutaka uongozi wa shule hiyo kuingiza masomo ya upishi na kudarizi katika silabasi yao katika kuhakikisha wanapanua wigo wa utoaji elimu katika taaluma mbalimbali ili kutoa fursa kwa wanafunzi kuwa na chaguo zaidi ya moja wanapotaka kuendelea na masomo ya elimu ya juu.

Naye mkuu wa shule ya KIBAHA INDEPENDENT, BW. HEZRON MSALALE amesema ndoto ya shule yake ni kutoa elimu bora ya awali, Msingi na sekondari ya Kiwango sthahili ili kuwaanda vijana katika kuwa maarifa na stadi za hali ya juu zinazohitajika kutanzua changamoto mbali zinazokabili jamii yetu.

END.