KATIBU UWT ASAIDIA WAJASIRIAMALI.

Ben Komba/Pwani-Tanzania/01-09-2013/10:59

Katibu wa Jumuiya wa wanawake wa chama cha mapinduzi Taifa BI.AMINA MAKILAGI amekipatia kikundi cha kinamama wajasiriamali cha WANAWAKE KWANZA, kilichopo mtaa wa Maili Moja ka tika halmashauri ya mji wa Kibaha shilingi laki tano kwa ajili ya kuwasaidia katika uboreshaji wa kazi zao.

 Akikitembelea kiwanda kidogo cha kusindika chakula na vinywaji baridi kinachomilikiwa na kinamama wajasiriamali wa kikundi cha MWANAMKE KWANZA, Katibu huyo wa UWT Taifa BI.MAKILAGI amesema wanachokifanya ni kutekeleza katiba ya jumuiya hiyo.

Na anaamini kwa kufanya hivyo kinamama wanaweza kujikomboa kwenye matatizo ya kisiasa,kijamii na kiuchumi kama inavyoelekeza ilani ya uchaguzi ya chama hicho.

Naye mmoja wa wanakikundi Mama wa Shamba wajasiriamali akisoma taarifa kwa mgeni rasmi amesema kikundi chao cha STK MAMA KWANZA  ni kikundi cha wanawake wajasiriamali kinachoshughulika na na usindikaji wa vyakula mbalimbali ikiwemo juice za matunda,lishe, viungo vya pilau na viungo vya chai.

Ameongeza kikundi hicho kimeanzishwa mwaka 2000 kikiwa na wanachama 20 walio hai,  kimesajiliwa na BRELA na kina akaunti katika Benki NMB, wamepata mafunzo ya usindikaji na ujasiriamali kutoka sehemu mbalimbali ikiwamo Chuo Cha Kilimo Sokoine,SIDO na Chuo kikuu cha Dar es Saalam.

END.