VIJANA WAJITOLEA KUREKEBISHA MIUNDOMBINU.

Ben Komba/Pwani-Tanzania/08/06/2013/15:08

Katika hatua inayoonyesha vijana sasa wanatambua majukumu na wajibu wao katika jamii, wamejiunga na kuanzisha kikundi cha kujitolea katika kata ya Mailimoja mjini Kibaha katika suala zima la kuboresha miundombinu katika eneo wanaloishi.

Mmoja wa vijana ambaye nimeongea naye BW. IMANI CHANGAMOTO wakiwa katikati ya shughuli hiyo ya kusawazisha miundombinu ya barabara ya maeneo yao ya kwa SHEKHE MUDHIHIR kutokana na kuharibika vibaya katika kipindi cha mvua zilizopita.

BW. CHANGAMOTO amebainisha kuwa kitu kikubwa ambacho kimewafanya wao kujitolea kuziba mashimo maeneo yao ni kutokana na kujihadhari na dharura ambayo inaweza kujitokeza, hususan kuugua ghafla na majanga mengine ya asili ambayo yanatokea bila taarifa ilihali miundombinu ikiwa mibovu.

Naye Mwenyekiti wa Kikundi hicho cha NYOTA NJEMA, BW. MANSOOR LIPAMBILA amesema eneo ambalo lilikuwa korofi zaidi ni karibu ya hospitali ambako kulikuwepo na mahandaki ambayo yalikuwa inawapa wakati mgumu madereva ambao wanatumia barabara hiyo kwenda na kurudi maeneo mbalimbali.

BW.LIPAMBILA  amewataka wananchi hususani vijana kuwa na moyo wa kujitolea ili maeneo yanayowazunguka yasiwe na kero ambazo zipo ndani ya uwezo wao badala ya kutegemea kila kitu kufanyiwa na serikali kama inavyojidhihirisha katika maeneo mbalimbali ya nchi yetu, na kutoa mfano mbwa anaweza kugongwa eneo Fulani lakini hamna mtu atakayejitokeza kuchukua mzoga huo kwenda kuufukia na matokeo yake hali hewa kubadilika ingawa kulikuwa na uwezo wa kumfukia mzoga huo.

END.