RASIMU YA KATIBA NA MAPUNGUFU

Ben Komba/Pwani-Tanzania/18-06-2013

Kuna mambo ambayo yamejitokeza katika rasimu ya Katiba ilitolewa na Tume ya mabadiliko ya Katiba, ambayo yasipotazamwa kwa umakini yanaweza kulisababishia Taifa vurugu na kuhatarisha usalama wan chi.

Akizungumza na mwandishi wa habari  wa habari hizi, Mkurugenzi wa shirika lisilo la kiserikali la YOUTH PARTNERSHIP COUNTRYWIDE lenye maskani yake mjini Kibaha ambaye pia ni Makamu mwenyekiti wa jukwaa la katiba, BW.ISRAEL ILUNDE amesema kuna mapungufu takriban 50.

BW.ILUNDE amesema katika rasimu hiyo ambayo imependwa na wananchi wa kada mbalimbali ambayo kwa kiasi kikubwa imezingatia hisia za wananchi kwa kuweza kuyapa nafasi masuala ambayo yalikuwa yamependekezwa na wananchi waliotoa maoni.

BW. ILUNDE amefafanua kuwa kwa rasimu hiyo kutoa kipaumbele kwa suala la haki za binadamu limeleta faraja kwa wananchi wengi hasa ikizingatiwa sehemu yenye kufuata misingi ya haki za binadamu basi maendeleo lazima, kwani kutakuwa hakuna kundi ambalo litakuwa linakandamizwa.

BW.ILUNDE amebainisha tatizo ambalo linaweza kuleta sintofahamu baadaye ni suala la serikali za Tanganyika na Zanzibar kujichagulia marafiki bila kutoa fursa kwa serikali ya Muungano kuingilia kati na hivyo kutaufanya muungano wetu kuwa na madoa madoa.

AIDHA amesema kuna ibara 138 imekosekana katika rasimu ya katiba, ikiwa pamoja na ibara ya 145 ambayo inalenga kutoa haki kwa makundi madogo ambayo hayajafafanuliwa ni makundi ya aina gani.

END.