PWANI YAPANIA KUFUNGUA NDONDI,MAELFU WAFURIKA KUMUAGA MANGWEA,CCM YASIMAMISHA VIONGOZI BAGAMOYO

Ben Komba/Pwani-Tanzania/06/06/2013/12:12

Mkoa wa Pwani katika halmashauri ya mji wa Kibaha kumeanzishwa rasmi kampeni ya kuinua mchezo wa ngumi ambao unaonekana kuwa na wapenzi wengi mjini na kubainika uwepo wa vipaji wa mchezo huo kwa vijana wengi wa mjini hapa.

Kocha wa mchezo huo anayetambuliwa na chama cha olimpiki ulimwenguni, BW. GAUDENCE UYAGA amebainisha hayo baada ya kufanya mahojiano na mwandishi wa habari hizi kando ya Mazoezi ya mabondia anaowafundisha.

BW. UYAGA amesema kuwa mchezo huo umekuwa hukikosa udhamini kutoka kwa wafadhili kutokana na wengi kukosa msukumo wa kujua ni wapi wanaweza kupata wachezaji wa mchezo huo, na kukatishwa tamaa na baadhi ya watu wanaojifanya mapromota ilihali wakitanguliza mbele maslahi yao binafsi na kusahau haki za mabondia wanaowachezesha.

BW.UYAGA ametoa mfano kuwa kuandaa pambano moja la ngumi , Bondia inampasa kukaa kambini si chini ya miezi mitatu na katika  muda huo bondia anahitajika kutumia si chini ya shilingi laki 6, ambapo utakuta bondia analipwa ujira kati ya shilingi 350,000 mpaka 400,000, ambazo hazilingani na maandalizi ya kambi.

Nikiongea na mmoja wa mabondia anaowapatia mafunzo katika Kitongoji cha Mlandizi katika ukumbi wa SUPER NIGHT CLUB, ZUMBA KUKWE ametanabaisha kuwa yeye kwa upande wake yupo vizuri na anaangalia mbele kupambana na mabondia kama THOMAS MASHALI, FRANCIS CHEKA, MADA MAUGO na yeyote ambaye atajitokeza.

ZUMBA KUKWE amesikitishwa na tabia ya mabondia wanaopangiwa kucheza yeyte kumkacha, na kuwataka wajitokeze wapambane nae wasiogope.

END.

Ben Komba/Pwani-Tanzania/6-6-2013/13:30

Mamia ya watu jana walisimama kando kando ya barabara ya Morogoro kusubiri kushuhudia mwili wa aliyekuwa mwanamuziki wa kizazi kipya Marehemu ALBERT MANGWEA katika mji wa Kibaha bila mafanikio.

Wananchi hao ambao walionyesha hamu ya kutaka kushuhudia mwili wa nguli huyo wa muziki wa kizazi kipya ambaye alipatwa na mauti akiwa nchini Afrika Kusini na mwili wake kuletrwa juzi, Jumanne.

Nimebahatika kuongea na MADEE kutoka uwanja wa Jamhuri Morogoro,mwanamuziki wa kizazi kipya ambaye amesema tukio la Msiba wa ALBERT MANGWEA  limetoa mwanga kwa jamii kuwa watu wanaowachukulia  kuwa wao wanaofanya mziki ni wahuni kitu ambacho tofauti na jamii inawakubali.

Nilitaka kujua ni kitu gania ambacho kimemfanya kusema hivyo, ameweka wazi kujitokeza kwa wananchi kwa wingi kwenda kumuaga Marehumu ALBERT MANGWEA, kiasi cha kufanya uwanja huo kufurika pomoni na kufungwa milango, kitu kinachodhihirisha heshima waliyonayo wanamuziki wa kizazi kipya katika jamii.

Naye mpasha habari wangu aliyekuwa Morogoro ameongea kuwa ni vigumu kwa mtu aliye nje, kuingia ndani ya uwanja kutokana na umati uliokuwepo kiwanjani hapo na huku baadhi ya waombolezaji wakianguka kwa mstuko.

END.

Ben Komba/Pwani –Tanzania/06-06-2013

Chama cha Mapinduzi mkoa wa Pwani umesimamisha viongozi wa chama hicho katika wilaya ya Bagamoyo  kufuatia madai ya kuuza eneo ambalo wanadai mali ya chama cha mapinduzi kwa mwekezaji.

Viongozi waliosimamishwa ni pamoja na Katibu, mwenyekiti na mwenezi wa chama hicho cha CCM wilaya ya Bagamoyo, kufuatia maamuzi ya kikao cha kamati ya utendaji ya CCM mkoa wa Pwani.

Kutokana na hali hiyo baadhi ya wadau wa chama hicho wamelalamikia hatua hiyo na kuiita ya uonevu, toka CCM Bagamoyo haina hati za kumiliki eneo hilo na hivyo chama hicho kukosa uhalali wa umiliki wa eneo hilo kama ilivyojidhihirisha katika hukumu iliyotlewa na mahakama inayoruhusu mwekezaji huyo kuendelea na mipango yake ya kuendeleza eneo hilo.

Nikiongea na Katibu wa CCM katika mkoa wa Pwani, BIBI. SAUDA MPAMBALYOTO amesema kwa upande wake yeye hawerzi kusema lolote toka maamuzi hayo yalitolewa kupitia vikao maalum vya kichama hivyo kutokana na hali hiyo inakuwa vigumu kwake kuzungumza lolote.

Na akashauri kuwa iwapo kuna wanachama ambao hawakubaliani na hatua zilizochukuliwa na wakiwa na vielelezo vya kutosha basi itakuwa vyema akaviwakilisha kwake kwa ajili ya kuchukua hatua mwafaka kwa lengo zima la kuimarisha umoja na mshikamano katika chama.

END.