TALGWU WACHAGUANA

By -

Ben Komba/Pwani-Tanzania/08/07/2016 10:05:19

Chama cha wafanyakazi wa serikali za mitaa katika Mkoa wa Pwani wamechaguana kupata uongozi utakaouongoza katika kipindi kijacho.

Akitangaza matokeo ya uchaguzi huo,Kaimu  Mwenyekiti wa Taifa wa TALGWU, BW. SELEMANI KIKINGO amewataka wanachama hao kuongeza mshikamano katika utekelezaji wa majukumu yao ya kila siku.

BW. KIKINGO ameongeza kuwa kwa kufanya hivyo kutawezesha chama chao kupata mafanikio wanayotarajia katika kusimamia maslahi na haki za wafanyakazi wa serikali za mitaa.

Mbali ya viongozi wengi kuchaguliwa kutoka makundi mbalimbali, Chama hicho kimefanikiwa kupata Mwenyekiti mpya wa Mkoa, BW.OBADIA MWAKASITU na BW. KULWA MASAMBU  akichaguliwa kuwa mjumbe kamati ya utendaji Taifa na BW. MASAU MASAU akichaguliwa kuwa mjumbe baraza kuu TALGWU Taifa.

Akiuzungumza mara baada ya kuchaguliwa, Mwenyekiti mpya wa TALGWU Mkoa wa Pwani amewashukuru wanachama wote kwa kumchagua na kuwataka kuvunja kambi ili washirikiane kukijenga chama hicho cha wafanyakazi wa serikali za mitaa mkoani hapa.

END


Comments

Post a Comment

Popular posts from this blog

MAFUNZO YA UREFA

By -
Ben Komba/Pwani-Tanzania/23-07-2013/10:03 Chama cha marefa wilayani Kibaha kinaendesha program maalum ya mafunzo kwa marefa wapya wenye kutaka kujiendeleza kuwa waamuzi katika ngazi mbalimbali za ligi za mchezo huo. Katibu wa Chama cha marefa wilayani Kibaha ambaye pia ndio refa bora wa ligi ya VODACOM msimu uliopita BW.SIMON MBELWA amesema lengo la mafunzo hayo ni kuwezesha kuzalisha marefa wapya. BW.MBELWA amefafanua kuwa katika mambo ambayo yatazingatiwa katika mafunzo hayo ni ufundishaji wa sheria 17 za soka ambazo kila mwamuzi anapaswa kuzifahamu kwa ufasaha ili kuepusha malalamiko na wakati mwingine hata vurugu katika mchezo huo. Naye mmoja wa washiriki wa mafunzo hayo, BW. GEORGE amesema kwa kupatiwa mafunzo hayo kutawasaidia kufanya maamuzi yaliyo sahihi wakati wakichezesha mechi za michuano mbalimbali. END.
Read more