MRAJIS ATANZUA MGOGORO

Ben Komba/Pwani-Tanzania/1/9/2014 11:05:07 PM

Bodi ya wajumbe wa Chama cha ushirika wa umwagiliaji-CHAURU- uliopo Bagamoyo mkoa wa Pwani wamekosa sifa ya kuendelea kushikilia nafasi zao kutokana na kushindwa kuwasilisha ukaguzi wa mahesabu kwa wakaguzi wa vyama vya ushirika nchini kwa kipindi cha miaka mitatu mfululizo.

Akizungumza katika Mkutano mkuu maalum wa ushirika huo, Mrajis msaidizi wa vyama vya ushirika Mkoa wa Pwani, BIBI.HADIJA MANG’ELA amesema taratibu za vyama vya ushirika zipo wazi, iwapo hesabu hazijakaguliwa na mkaguzi wa nje kwa kipindi cha miaka mitatu mfululizo bodi itapoteza uhalali.

BIBI.MANG’ELA ameongeza kuwa mbali ya kupoteza hadhi ya kuwa wajumbe wa bodi, pia watasimamishwa kugombea uongozi kwa kipindi cha miaka sita kama adhabu yao ya kushindwa kutimiza majukumu yao basi sheria namba 48 kifungu kidogo cha 7 ya sheria ya vyama vya ushirika itabidi kutumika.

Akijitetea mbele ya mkutano huo maalum, Mwenyekiti wa Ushirika wa umwagiliaji CHAURU, BW.ZAHOR SENG’ENGE amesema bodi la kuitekeleza kwa vitendo kauli mbiu ya Matokeo makubwa sasa, kwa nia ya kuhakikisha kila mwanachama anapata tija stahili.

BW.SENG’ENGE amebainisha kuwa katika kipindi cha mwaka 2012 hesabu zao zimekaguliwa na mkaguzi wa ndani na wanaangalia uwezekano wa kutafuta mkaguzi wan je ili na afanye ukaguzi kama taratibu zinavyoelekeza.

Mwanachama BW.DAUD KINDAMBA kwa upande wake alitaka mkutano huo maalumkuchukua hatua stahili dhidi ya Bodi kama sheria kama Mrajis alivyobainisha katika mwongozo wa vyama vya ushirika.

BW.KINDAMBA amesema Mwenyekiti amekuwa akifanya vitu bila kuwashirikisha wanachama na ikiwa pamoja na kutowasomea wanachama taarifa ya mapato na matumizi ya msimu uliopita na badala yake yeye anakuja na bajeti ambayo mara zote imekuwa ikiongezeka na kuwa mzigo kwa wakulima.

END.