VIDEO-MISITU KUTUMIKA KUINGIZA FEDHA ZA KIGENI

Ben Komba/Pwani-Tanzania/12/15/2015 1:15:09 PM

Shirika lisilo la kiserikali la usimamizi wa misitu ya asili ya Tanzania imeanzisha mikakati mipya ya kuhakikisha misitu iliyopo ukanda wa Ruvu Kusini inatumika kama kivutio cha watalii ili kuwezesha jamii inayozunguka misitu hiyo kujua faida nyingine ya kutunza mazingira.

Akizungumza katika tukio la kimataifa la kitalii la kuendesha baiskeli ndani hifadhi ya msitu Ruvu Kusini katika eneo la Kipangege Kisarawe, Mratibu wa tukio hilo BW.YAHAYA MTONDA amesema kwa hatua hiyo wanajaribu kuwajengea dhana wananchi ya faida zaidi ya misitu ya mbali ya mkaa na kuni.

BW.MTONDA ameongeza kwa kufanya hivyo itawezesha wanachi kuilinda misitu hiyo kwa kujitoa na hivyo kuboresha suala zima la uboreshaji wa mazingira, na hivyo kupunguza athari inayoletwa na hewa ya ukaa.

Naye mmoja wa washiriki wa mbio hizo za kimataifa za baiskeli ambazo zimefanyika ndani ya hifadhi msitu wa Ruvu Kusini,ambaye pia ni mshauri wa ufundi wa {TFCG} BW.ANDREW PERKIN ameeleza malengo ya kushiriki tukio hilo ni kuwapatia wananchi uelewa wananchi juu ya umuhimu wa kulinda misitu ili kuweza kufurahi mandhari nzuri ya uoto wa asili ambao unasababisha hali hewa safi.

 BW.PERKIN kwa upande wake amesikitishwa na uharibifu wa mazingira unaofanywa na wananchi kunakotokana na ukosefu wa elimu ya kutosha juu ya umuhimu wa utunzaji mazingira.

Mwenyekiti wa Umoja wa Wapanda Baiskeli (UWABA) BW.MEJA MBUYA amesema kuwa wamekuwa wakihamasisha watu kupanda baiskeli kwani matumizi ya magari yamekuwa yakiharibu mazingira kutokana na moshi unaotokanan na magari hayo.

Mbuya amesema kuwa mbali ya kupanda baiskeli wamekuwa wakitoa elimu mbalimbali ya juu ya utunzaji wa misitu na kushauri matumizi ya nishati ya jua na upepo katika baadhi ya matumizi ili kutoharibu mazingira. Jumla ya watu zaidi ya 100 toka mataifa mbalimbali walishiriki tamasha hilo ambapo walitembea umbali wa kilometa 30.

END.