JAMII YAPASWA KUSAIDIA WATOTO.

Ben Komba/Pwani-Tanzania/2/9/2015 10:59:31 AM

Jamii imeagizwa kuzingatia utunzaji wa watoto wanaoishi katika mazingira  magumu ili kuweza kuto fursa kwa watoto wenye wazazi na wasio na wazazi kupata elimu na mahitaji muhimu.

Mjumbe wa halmashauri kuu ya CCM kutoka mkoa wa Pwani, BW.RUGEMALIRA RUTATINA amesema hayo wakati wa kukabidhi misaada kwa watoto wanaoishi katika mazingira magumu katika maeneo ya Kibaha, Kwa Mfipa ambao umetolewa na kikundi cha kuweka na kukopa cha UPENDO.

BW.RUGEMALIRA amesema ni juu ya jamii kuweka mikakati madhubuti ya kuwasaidia watoto ambao hawana usaidizi katika masuala mbalimbali ili kuweza kuwaokoa na majanga mbalimbali ya kidunia kutokana tu, na kukosa usimamizi na ilihali wakiishi na jamii yenye kujua kwa undani tatizo hilo.

Naye msoma risala wa kikundi cha Kuweka na kukopa cha UPENDO, BIBI.FATMA TEA amesema kikundi chao kwa kuona umuhimu wa watoto wanaoishi katika mazingira magumu kwa makusudi walianzisha fungu kwa ajili ya kuwasaidia watoto yatima na wanaoishi katika mazingira magumu.

BIBI.TEA ameongeza fungu hilo kuwasaidia watoto yatima na wanaoishi katika mazingira magumu linatumika kuwasaidia watoto hao inapotokea wamepatwa na dharura ya maradhi, ada ,vifaa vya shule na mahitaji mengine yanayojitokeza kwa mwanadamu.

Wamewataka wanajamii wengine kuiga mfano wa kikundi chao wa kuanzisha fungu maalum ambalo kila mwanachama inampasa kuchangia shilingi mia tano kila wanapokutana ili kuwasaidia watoto wenye uhitaji.END